Pòaⁿ-kàm-tok ha̍k-si̍p

Pòaⁿ-kàm-tok ha̍k-si̍p (Eng-gí: semi-supervised learning) sī ki-hāi ha̍k-si̍p ê chi̍t ê hun-iá, itī hùn-liān sî sú-iōng tio̍h chió-liōng ê ū-piau-chhiam sò͘-kì kap tōa-liōng ê bô-piau-chhiam sò͘-kì. Pòaⁿ-kàm-tok ha̍k-si̍p kài tī bô-kàm-tok ha̍k-si̍p (hùn-liān sò͘-kì choân-pō͘ lóng bô piau-chhiam) kap kàm-tok ha̍k-si̍p (hùn-liān sò͘-kì choân-pō͘ lóng ū piau-chhiam) tiong-kan. Pòaⁿ-kàm-tok ha̍k-si̍p sī ūi-tio̍h beh oān-kái hùn-liān sò͘-kì tiong chûn-chāi piau-chhiam sò͘-kì iú-hān ê bûn-tê.

Bô-kàm-tok ha̍k-si̍p ha̍h-ēng ê būn-tê it-poaⁿ sī ū tōa-liōng bô-piau-chhiam iūⁿ-pún, ah beh chhú-tit ū-piau-chhiam siūⁿ-pún sêng-pún khah koân. Pō͘-hūn kî-thaⁿ ki-hāi ha̍k-si̍p hun-chi ū sio-siāng ê tōng-ki, m̄-koh chun-chiông bô-kāng ê ká-siat kap hong-hoat, chhin-chhiūⁿ chú-tōng ha̍k-si̍p kap jio̍k-kàm-tok ha̍k-si̍p. Kā bô-piau-chhiam iūⁿ-pún kap chió-liōng ū-piau-chhiam iūⁿ-pún chò-hóe sú-iōng ê sî, ē tùi ha̍k-si̍p ê chún-khak-sèng sán-seng chin tōa ê kái-siān. Ūi-tio̍h te̍k-tēng būn-tê só͘ siu-chi̍p ê sò͘-kì thong-siông su-iàu choan-ka tì-sek ia̍h chìn-hêng bu̍t-lí si̍t-giām. In-chhú, chhú-tit ū-piau-chhiam iūⁿ-pún ê sêng-pún it-poaⁿ mā khah koân, ah nā beh chhú-tit tōa-hêng koh oân-choân piau-kì ê iūⁿ-pún-chi̍p sī bô-siáⁿ khó-lêng--ê; ah nā-sī beh chhú-tit bô-piau-chhiam iūⁿ-pún ê sêng-pún it-poaⁿ siong-tùi khah kē. Án-ne lâi khòaⁿ, pòaⁿ-kàm-tok ha̍k-si̍p tī ki-hāi ha̍k-si̍p kap jîn-lūi ha̍k-si̍p ê kiàn-bô͘ hong-bīn mā ū lí-lūn kè-ta̍t.