Pa-pia̍t-thah

Pa-pia̍t Thah (Hi-pek-lâi-gí: מגדל בבל‎ Migdal Bavel A-la-pek-gí: برج بابل‎ Burj Babil) sī Sèng-keng ê Chhòng-sè-kì lāi-bīn kì-chài ê chi̍t chō thah, khí tī teh Babylon.

Kun-kù Sèng-keng, Pa-pia̍t Thah sī hit-tong-sî ê jîn-lūi ūi-tio̍h beh thàng-óng thiⁿ-téng lâi liân-ha̍p khí-chō ê. Āu-bóe Sîn kā in ê gí-giân piàn lōan, chó͘-tòng in-ê kè-ōe.

Gián-kiù

Khó-lêng sī Pa-pia̍t Thah khài-liām lâi-goân ê Etemenanki, chi̍t chō ziggurat.^[1]

Sèng-keng lāi-bīn ê kì-lio̍k, chiàu chi̍t khoán hiān-tāi ha̍k-chiá ê khoàⁿ-hoat, sī kun-kù lâng tùi Sin Pa-pí-lûn ông-tiâu só͘ khí ê chi̍t chō ziggurat kiàn-tio̍k ê ìn-siōng. Ha̍k-chiá mā jīn-ûi Pa-pia̍t Thah ê kì-sū sī saⁿ-lām liáu sîn-ōe kap chi̍t kóa Mesopotamia bûn-hòa tng kap Hi-pek-lâi chiap-chhiok ê sî-tāi ê si̍t-chāi chêng-hêng. Sèng-keng gián-kiù-chiá chí chhut Chhòng-sè-kì sī chē hāng lâi-goân ê cho͘-ha̍p, tāi-khāi sī Iû-tāi Ông-kok hō͘ Pa-pí-lûn cheng-ho̍k ê sî-chūn, tong-sî chin chē Hi-pe̍k-lâi lâng hông sàng kòe Pa-pí-lûn, chiap-chhiok hia chāi-tē ê sîn-ōe. Lēng-gōa, tī Sumer sîn-ōe lāi-bīn, ia̍h ū koan-hē pún-lâi lâng tan-it ê giân-gí siū sîn-bêng Enki kap Enlil piàn chē khoán ê kò͘-sū.^[2]

Chham-khó bo̍k-lio̍k

Nardo, Don (2007). The Greenhaven Encyclopedia of Ancient Mesopotamia. Greenhaven Press. ISBN 978-0-7377-3441-6.

Chù-kha

↑ Nardo 2007, Babylon
↑ Nardo 2007, Tower of Babel

[1] Nardo 2007, Babylon

[2] Nardo 2007, Tower of Babel

[1]

[2]