Hông-ka Philips (Hô-lân-gí: Koninklijke Philips N.V.), kán-chheng Philips, it-poaⁿ Hàn-bûn im-e̍k chò Hui-lī-phó͘ (飛利浦), sī Hô-lân ê khòa-kok tiān-chú kong-si, chóng-pō͘ siat tī Amsterdam. Philips iû Gerard Philips hām in lāu-pē Frederik Philips tī 1891 nî tī Hô-lân Eindhoven sêng-li̍p. Philips tī 2010 nî ū 254.2 ek Au-îⁿ ê siu-ji̍p, hō͘ i chiâⁿ-chò sè-kài siōng siāng tōa ê tiān-chú kong-si chi it. I tī choân sè-kài 60 kúi ê kok-ka kò͘-iōng iok 114,500 ê oân-kang.

Philips

Philips ū saⁿ ê chú-iàu pō͘-bûn: Philips siau-hùi tiān-chú sán-phín, Philips i-liâu pó-kiān kap Philips chiò-bêng. Chia̍t-chì 2012 nî, Philips sī sè-kài siāng tōa ê chiò-bêng chè-chō-siong.

Philips chú-iàu tī Amsterdam ê Euronext chiūⁿ-chhī, sio̍k-î AEX chí-sò͘ ê sêng-hūn kó͘-phiò. Jī-chhù sī tī New York Chèng-koàn Kau-e̍k-só͘ chiūⁿ-chhī.