Piáu-im bûn-jī

Piáu-im bûn-jī (表音文字) chí chi̍t ê gí-giân teh piáu-ta̍t ê sî, kì-lio̍k ê hêng-sek ia̍h hû-hō sī chiàu ho͘-im lâi siá ê bûn-jī hē-thóng. Chit khoán kì-lio̍k hong-sek hām kháu-gí ū it-tēng thêng-tō͘ ê tùi-tâng. Lô-má-jī, khá-nah ia̍h ko-lê-jī lóng sī piáu-im bûn-jī ê tián-hêng tāi-piáu.

Piáu-im bûn-jī koh ē-tàng sè-hun chò im-chat bûn-jī (chi̍t ê su-kì-sò͘ chi̍t ê im-chat) kap im-sò͘ bûn-jī (chi̍t ê su-kì-sò͘ sī im-chat ê chi̍t pō͘-hūn) nn̄g ê tōa lūi-pia̍t; chhiūⁿ khá-nah chiū sī im-chat bûn-jī, ah lô-má-jī chiū sī im-sò͘ bûn-jī.