Portal:Gē-su̍t/Selected biography/2

Marcel Duchamp (1887 nî 7 goe̍h 28 – 1968 nî 10 goe̍h 2) sī 1 ê Hoat-kok gē-su̍t-ka, 1955 nî pìⁿ Bí-kok-chek. I ê chok-phín kap lí-liām tùi Tē-jī-chhù Sè-kài Tāi-chiàn liáu-āu ê Se-iûⁿ bí-su̍t-kài ū chin toā ê éng-hióng. Lâng tiāⁿ kā i kap Dada, Chhiau-hiān-si̍t-chú-gī ê ūn-tōng khan chò-hoé. Duchamps jīn-ûi lâng tùi i chok-phín kap su-sióng ê ì-gī oân-ná sī hoán-èng kái-soeh-chiá ê chhòng-chok. I-ê tāi-piáu-chok chi it sī kā 1 chō jiō-chō hō chò gē-su̍t, hō-miâ "Choâⁿ-thâu" (Fountain). Āu—lâi sīm-chì pàng-sak bí-su̍t, choan-tô͘ kiâⁿ se-iûⁿ-kî. I ê chok-phín bô chē; tong-sî ê avant-garde tiâu-liû lóng ū chhap—tio̍h.