Dada

Dada ia̍h Dada-chú-gī sī Tē-it-chhù Sè-kài Tāi-chiàn chiân-āu tī Au-chiu Zürich khí-heng ê bûn-hoà ūn-tōng, piáu-hiān ê hêng-sek pau-hâm sī-kak gē-su̍t, bûn-ha̍k (te̍k-pia̍t sī koa-si, soan-giân, lí-lūn), hì-kio̍k piáu-ián ê oa̍h-tōng. Dada ūn-tōng khì-hiâm Au-chiu siā-hoē ê bûn-hoà tia̍t-sū kap i só͘ piáu-hiān chhut-lâi ê hò͘ⁿ-chiàn sèng-keh. Dada hūn-chú chú-tiuⁿ "hoán-bí-su̍t" (anti-art).

Dada siōng oa̍h-thiàu ê sî-kî sī 1916 chì 1920 nî, sî-kan bô kú, m̄-koh tùi 20 sè-kí ê hiān-tāi-chú-gī bûn-gē tiâu-liû sán-seng it-tēng ê éng-hióng.