Portal:Ki-su̍t/Selected article/2

Khí-kho ê tńg-se̍h chhiat-siah kang-kū chú-iàu sī pau-koah bôa-chiam (bur), géng-bôa ke-si (abrading tool), kap thui-kim-châi (polishing agent) chit 3 lūi. Pau-hâm ê hōan-ûi chiâⁿ khoah, ùi tan to-mê ê lak-chǹg (twist drill) kàu to to-mê ê chhiat-siah ê bôa-chiam, sīm-chì kúi 10 ê to-mê piàn-sêng ū bôa-iù kong-lêng ê bôa-chiam; ùi thòaⁿ-kǹg, o͘-kǹg, chia siāng-chē sī hâm cha̍p-gōa-ê to-mê. Nā soān-chio̍h bôa-chiam ū sǹg-bē-chheng ê soān-chio̍h lia̍p-á, téng-î sī sǹg-bē-chheng ê to-mê, chhiat-siah ê lêng-le̍k tōa-tōa cheng-ka; tán-kàu thui-kim-châi, kho-lia̍p sò͘-bok kēng-ka put-khó-soàn, m̄-koh soah in-ūi kho-lia̍p ê sèng-chit kan-taⁿ ū phau-kng ê kong-lêng. Chia ê chē-chē ke-si in lóng kāng-khoán ài keng-kòe tńg-se̍h chiah ē-sái hoat-hui in kò-pia̍t ê kong-lêng.