Portal:Le̍k-sú/Selected article/3

Viking-lâng sī 8 sè-kí boé-kî kàu 11 sè-kí chi kan teh kiâⁿ-chûn thàm-hiám, kau-chiàn, chò seng-lí ê chi̍t khoán Pak-au lâng. In bat chhiúⁿ-kiap Britain Kûn-tó, Hoat-lân-se, kap Au-chiu kî-thaⁿ só͘-chāi. In ê chûn sok-tō͘ kín, ū phâng oân-ná ē-tit kò-chiúⁿ, ē-tàng kòe hái mā ē-sái kò chiūⁿ ji̍p hô-chhoan. In chài Pak-au ê tōng-bu̍t phôe kàu Britain Kûn-tó kiam tāi-lio̍k. Ū-sî chò bé-bē, ū-sî kiam chhiúⁿ-kiap. In hō ka-kī hō chò Viking, ì-sù sī "Chhiúⁿ-kiap ê lâng".