Se-mn̂g-teng Chhī-tiûⁿ

Se-mn̂g-teng Chhī-tiûⁿ sī kha-chá Tâi-pak-chhī ê chi̍t ūi si̍t-liāu-phín chhī-tiûⁿ, 1908 nî 4 goe̍h khai-sí kiàn-siat, ùi tong-nî 11 goe̍h goân-kang khai-gia̍p.

I lāi-bīn pau-koat chìn-chêng Tāi-pak-thiaⁿ koán lāi ê Báng-kah Chó͘-su-biō Chhī-tiûⁿ (Sin-khí-teng) sóa kòe ê tiàm-phò͘. Pún chhī-tiûⁿ chú-iàu kiàn-tiok-bu̍t hun Pún-koán, Pat-kak-tông (八角堂, hiān-sî hong kái hō "âng-lâu"), kap gōa-tiam (外店). 1920 nî kái hō͘ Tâi-pak-chhī koán-lí, 1921 nî hō-miâ Se-mn̂g-teng Chhī-tiûⁿ, kàu 1931 nî 4 goe̍h 25 koh kái Kong-siat Se-mn̂g-teng Si̍t-liāu-phín Sió-bē Chhī-tiûⁿ (公設西門町食料品小賣市場).

Chiàu 1939 nî kì-lio̍k chhī-tiûⁿ lāi ê tiàm-phò͘ ū chhài-se 10 keng, gû-bah 6 keng, ti-bah 6 keng, chhiⁿ-hî 17 keng, ka chiūⁿ kî-tha lóng chóng ū 109 keng tiàm, tiàm-chú kiam chiā-thâu-lō͘-lâng lóng-chóng ū 383 lâng, bí ji̍t pêng-kin 1.9 bān gōa lâng ji̍t tiûⁿ.

Chham-khó

• 食料品小賣市場要覽. 臺北市役所. 1939. 

Liân-kiat

• 周佩樺 (2010). 臺北市西門市場歷史之研究 (sek-sū thesis). 國立臺灣師範大學 台灣語文學系.