Sogdiana

Sogdiana sī chi̍t-ê kó͘ Iran-hē bûn-bêng, keng-kòe bô-kâng sî-tāi, pat tī kin-á-ji̍t Tajikistan, Uzbekistan lāi-bīn hâm Samarkand, Bukhara, Khujand, Panjikent kap Shahrisabz téng só͘-chāi hoat-ta̍t. Sogdiana ia̍h ū chi̍t chām sī Achaemenes Ông-tiâu ê séng-hūn, lēng-gōa ia̍h pat siū Alexandros Tāi-tè tī 328 nî cheng-ho̍k, kiam siū āu--lâi Hi-lia̍p Bactria Ông-kok ê thóng-tī, liáu-āu koh sī Sasan Tè-kok ê chi̍t hūn.