Tâi-oân ê hî-káng lia̍t-toaⁿ
Kin-kì Tiong-hoâ Bîn-kok ê hî-gia̍p hoat-kui, Tâi-oân ê hî-káng lóng-chóng hun chò nn̄g lūi. Tē-it lūi sī sú-iōng bo̍k-tek sio̍k-î choân-kok-sèng ia̍h-sī pòe-ha̍p hî-gia̍p hoat-tián te̍k-sû su-iàu ê hî-káng, in-ê chú-koán ki-koan sī Hêng-chèng-īⁿ Lông-gia̍p Úi-oân-hōe. Kî-thaⁿ bô sio̍k-î tē-it lūi ê hî-káng chiū sio̍k-î tē-jī lūi, in-ê chú-koán ki-koan sī chāi-tē ê koān-chhī chèng-hú. Kin-kì Hî-gia̍p-sú tong-chiân ê kui-ōe, bo̍k-chiân tē-it lūi hî-káng lóng-chóng ū 9 chō, hun-pia̍t sī Ke-lâng-chhī ê Chiàⁿ-pin Hî-káng, Pat-táu-chú Hî-káng, Gî-lân-koān ê O͘-chio̍h Hî-káng, Lâm-hong-ò Hî-káng, Sin-tek-chhī ê Sin-tek Hî-káng, Tâi-tiong-chhī ê Gô͘-chhe Hî-káng, Tâi-lâm-chhī ê An-pêng Hî-káng, Ko-hiông-chhī ê Chiân-tìn Hî-káng kap Pîn-tong-koān ê Tang-káng Iâm-po͘ Hî-káng; tē-jī lūi hî-káng lóng-chóng ū 215 chō.