Tâi-oân ê jîn-kháu phó͘-cha

Tâi-oân ê jîn-kháu phó͘-cha ùi Ji̍t-pún sî-tāi khai-sí si̍t-hêng, kàu-taⁿ ûi-chí lóng-chóng 13 pái. Thâu-chi̍t pái tī 1905 nî si̍t-hêng, lo̍h-bóe tī 1915 nî koh-chài si̍t-hêng, kàu 1940 nî ûi-chí, múi 5 tang si̍t-hêng chi̍t pái; tī Ji̍t-pún sî-tāi lóng-chóng 7 pái. Chêng nn̄g pái hō-chò Lîm-sî Tâi-oân Hō͘-kháu Tiau-cha (臨時臺灣戶口調查), āu gō͘ pái hō-chò Kok-sè Tiau-cha (國勢調查).

Chiàn-āu Tiong-hoâ Bîn-kok sî-kî goân-chek-siōng 10 tang chi̍t pái, hun-pia̍t chāi 1956, 1966, 1980, 1990, 2000, 2010 nî si̍t-hêng, kàu-taⁿ lóng-chóng 6 pái. 1956 hō-chò Hō͘-kháu Phó͘-cha (戶口普查), lo̍h-bóe chiah hō-chò Hō͘-kháu ki̍p Chū-the̍h Phó͘-cha (戶口及住宅普查).