Tâi-oân Tōa-sài
| 這篇文章有漢字兮版本。 參考這篇文章兮漢字版本。 |
Tâi-oân Tōa-sài (Taiwan Series) sī Tiong-hôa Chit-pāng ê chóng-koan-kun-sài, 1990 nî khai-sí kí-hêng, pún-té hō-chò Tiong-hôa Tōa-sài, tān-sī keh-nî tio̍h bô koh iōng chit-ê miâ--ah, 2003 nî Tiong-hôa Chit-pāng kah Tâi-oân Tāi-liân-bêng ha̍p-pèng, tī nî-tō͘ chóng-koan-kun-sài khai-sí chìn-chêng, Tiong-hôa Chit-pāng jīn-ûi in-ūi Tâi-oân ê chit-pāng tī kok-chè lêng-kiàn-tō͘ tau̍h-tau̍h-á piàn khah koân--ah, ū pit-iàu kah kî-thaⁿ kok-ka kāng-khoán hō chi̍t-ê hiáng-liāng koh thang tāi-piáu pí-sài ì-gī ê miâ, só͘-í tī 10 goe̍h 5 hō kā chóng-koan-kun-chiàn hō-miâ chò Tâi-oân Tōa-sài[1]. Tī 2005 nî kàu 2013 nî, phah-iâⁿ Tâi-oân Tōa-sài ê kiû-tūi ē-tàng tāi-piáu Tiong-chit chham-ka A-chiu Chit-pāng Tōa-sài.
Pí-sài Hong-sek
siu-kái- 1990 nî～1997 nî
- Nā siōng hā pòaⁿ-kùi sī bô-kāng tūi, kí-hêng 7-chiàn 4-sèng chè ê chóng-koan-kun-sài. Tē-1, 3, 5, 7-tiôⁿ sī siōng-pòaⁿ-kùi koan-kun chú-tiôⁿ, tē-2, 4, 6-tiôⁿ sī hā-pòaⁿ-kùi koan-kun chú-tiôⁿ. Pí-sài tē-tiôⁿ sī liân-bêng an-pâi.
- 1990 kàu 1992 nî nā siōng hā pòaⁿ-kùi koan-kun sī kâng-chi̍t-tūi, hit tūi tio̍h-sī chóng-koan-kun, bē kí-hêng Chóng-koan-kun-sài, tān-sī tī kāng-khoán 7-chiàn 4-sèng chè ê Kim-koan-kun Thiau-chiàn-sài iâⁿ-kiû liáu-āu, tio̍h sī "Kim-koan-kun". Tû-liáu chit-pāng 3-nî bat kí-hêng kòe Kim-koan-kun Thiau-chiàn-sài, āu-lâi tio̍h chhú-siau Kim-koan-kun Thiau-chiàn-sài--ah.
- 1993 nî～1995 nî nā siōng-hā pòaⁿ-kùi koan-kun sī kâng-chi̍t tūi, hit-tūi tio̍h sī chóng-koan-kun, bô Chóng-koan-kun-sài, kái-chò kí-hêng piáu-ián-sài sèng-chit ê Thiau-chiàn-poe.
- 1996 nî～1997 nî nā siōng-hā pòaⁿ-kùi koan-kun sī kâng-chi̍t-tūi, tio̍h ē ū chóng-koan-kun-sài chi̍t-tiôⁿ sèng-lī ê iu-sè, kah choân-nî-tō͘ tē-2-miâ ê kiû-tūi phah Chóng-koan-kun-sài.
- 1997 nî khai-sí chhái-iōng "2-3-2" ê pí-sài tiôⁿ-chhù, tē-1, 2, 6, 7-tiôⁿ sī siōng-pòaⁿ-kùi koan-kun kiû-tūi chú-tiôⁿ, tē-3 kàu tē-5-tiôⁿ sī hā-pòaⁿ-kùi koan-kun kiû-tūi chú-tiôⁿ, jî-chhiáⁿ tē-tiôⁿ sī chú-tiôⁿ kiû-tūi ka-kī koat-tēng.
- 1998 nî～1999 nî
- 1997 nî Chóng-koan-kun-sài, sī siōng-pòaⁿ-kùi koan-kun Sî-pò Eng (nî-tō͘ tē-6, hā-pòaⁿ-kùi thiām-té) tùi-koat hā-pòaⁿ-kùi koan-kun Bī-choân Liông (nî-tō͘ tē-4, siōng-pòaⁿ-kùi thiām-té), tān-sī nî-tō͘ tē-1-miâ Thóng-it Sai, nî-tō͘ tē-2-miâ Sam-siong Hó͘ kah nî-tō͘ tē-3-miâ Hiaⁿ-tī Chhiōⁿ choân-pō͘ lóng bô-iân kùi-āu-sài, só͘-í liân-bêng koat-tēng si̍t-si tan-it kiû-kùi.
- Kùi-koan-kun kiû-tūi chiâⁿ-chò chéng-chí-tūi, ti̍t-chiap chìn-kip 7-chiàn 4-sèng chè ê Chóng-koan-kun-sài.
- Nî-tō͘ chiàn-chek tē-2, 3-miâ sian chìn-hêng 3-chiàn 2-sèng chè ê Kùi-āu Thiau-chiàn-sài.
- 1998 nî Gû-Liông-chiàn thâu-chi̍t-pái (mā sī ûi-it chi̍t-pái) iōng "2-2-1-1-1" chú-tiôⁿ-chè, tē-1, 2, 5, 7-tiôⁿ sī nî-tō͘ koan-kun Heng-lông Gû chú-tiôⁿ.
- 2000 nî～2004 nî
- In-ūi Bī-choân Liông, Sam-siong Hó͘ saⁿ-sòa kái-sòaⁿ, kan-na chhun 4-tūi, kái tńg-khì siōng-hā-pòaⁿ-kùi-chè.
- Siōng hā pòaⁿ-kùi koan-kun sī sio-kāng kiû-tūi ê sî, kùi-koan-kun kiû-tūi tit-tio̍h chi̍t-tiôⁿ sèng-lī ê iu-sè, kah lē-hêng-sài tē-jī-miâ ê kiû-tūi phah Chóng-koan-kun-sài.
- 2003 nî Tâi-oân Tāi-liân-bêng kah Tiong-hôa Chit-pāng ha̍p-pèng, Kim-kong kah Thài-iông 2-ki sin-kun ka-ji̍p Tiong-chit, chèng-sek hō-miâ chò Tâi-oân Tōa-sài (Taiwan Series), iōng "2-3-2" chú-tiôⁿ-chè.
- 2004 nî hā-pòaⁿ-kùi Hiaⁿ-tī Chhiōⁿ sèng-tiôⁿ pí Heng-lông Gû chē 1-tiôⁿ, tān-sī sèng-lu̍t su 0.003, bô ki-hōe thiau-chiàn 4-liân-pà, liân-bêng sûi koat-tēng tī keh-nî kái-piàn sài-chè.
- 2005 nî～2008 nî
- Tiong-hôa Chit-pāng liân-bêng tī 2005 nî kái-piàn kùi-āu-sài sài-chè, kî-tiong siōng tōa ê kái-piàn tio̍h sī cheng-ka "gōa-khah" kiû-tūi.
- Nā siōng-pòaⁿ-kùi koan-kun kah hā-pòaⁿ-kùi koan-kun bô-kāng-tūi:
- Choân-nî sèng-lu̍t khah koân ê ti̍t-chiap chìn-kip Tâi-oân Tōa-sài, jî-chhiáⁿ ū Tâi-oân Tōa-sài chú-tiôⁿ iu-sè.
- Bô tit-tio̍h kùi-koan-kun ê kiû-tūi lāi-té, chiàn-chek siōng hó ê "gōa-khah" kiû-tūi seng kah choân-nî sèng-lu̍t khah bái ê kùi-koan-kun kiû-tūi chìn-hêng "Kùi-āu Thiau-chiàn-sài".
- Nā siōng hā pòaⁿ-kùi koan-kun sī sio-kâng kiû-tūi:
- Ti̍t-chiap chìn-kip Tâi-oân Tōa-sài, jî-chhiáⁿ ū Chóng-koan-kun-sài chú-tiôⁿ iu-sè[2].
- Choân-kùi sèng-lu̍t tē-2-miâ kah tē-3-miâ kiû-tūi chìn-hêng 5-chiàn 3-sèng chè ê Kùi-āu Thiau-chiàn-sài, nî-tō͘ chiàn-chek tē-2-miâ ū chú-tiôⁿ iu-sè[2].
- 2005 nî kah 2006 nî sī "3-2-2", nî-tō͘ sèng-lu̍t khah koân ê kùi-koan-kun (iah-sī pau-pān siōng hā pòaⁿ-kùi koan-kun ê kiû-tūi) ē tī G1 kàu G3 liân-sòa phah 3-tiôⁿ chú-tiôⁿ.
- 2007 nî kah 2008 nî, kái tńg-khì 2-3-2 ê sài-chè.
- 2009 nî～2021 nî
- In-ūi liân-bêng chhun 4-tūi (2021 nî Bī-choân Liông tńg-lâi liáu-āu piàn-chò 5-tūi), gōa-khah bô-it-tēng ta̍k-nî lóng ū:
- Nā siōng hā pòaⁿ-kùi koan-kun bô-kāng-tūi, jî-chhiáⁿ kî-tiong chi̍t-tūi sī nî-tō͘ tē-it:
- Ti̍t-chiap chìn-hêng Tâi-oân Tōa-sài, choân-nî sèng-lu̍t khah koân ê ū 4-tiôⁿ ê chú-tiôⁿ iu-sè (2-3-2)[2]。
- Nā siōng hā pòaⁿ-kùi koan-kun kâng chi̍t-tūi:
- Hit-tūi ti̍t-chiap chìn-ji̍p Tâi-oân Tōa-sài, jî-chhiáⁿ pó-sàng 1-sèng, ū Tâi-oân Tōa-sài tē-1, 2, 5, 6-tiôⁿ chú-tiôⁿ ê iu-sè (in-ūi pó-sàng 1-sèng, só͘-í siōng chē kan-na phah 6-tiôⁿ niâ) [2]。
- Choân-nî sèng-lu̍t tē-2 kah tē-3-miâ chìn-hêng "Kùi-āu Thiau-chiàn-sài"[2][3].
- Nā choân-nî sèng-lu̍t tē-1-miâ ê kiû-tūi bô tit-tio̍h kùi-koan-kun[4]:
- Tit-tio̍h kùi-koan-kun ê 2-tūi lāi-té, choân-nî sèng-lu̍t khah koân ê kiû-tūi ti̍t-chiap chìn-ji̍p Tâi-oân Tōa-sài, pēng-chhiáⁿ-ū 4-tiôⁿ ê chú-tiôⁿ iu-sè[2]。
- Choân-nî sèng-lu̍t khah kē ê kiû-tūi kah sèng-lu̍t tē-1 ê "gōa-khah" kiû-tūi, chìn-hêng "Kùi-āu Thiau-chiàn-sài"[2]. Choân-nî sèng-lu̍t tē-1 ài tan-to̍k léng-sian, 2019 nî Hù-pang Hān-chiòng kah siōng-pòaⁿ kùi-koan-kun Lamigo Thô-oân pêⁿ-pâi tē-1, bô-iân kùi-āu-sài.
- 2022 nî～ (chit-má ê sài-chè)
- 2022 nî khai-sí, in-ūi tūi-ngó͘ sò͘-liōng saⁿ-sòa cheng-ka (2021 nî Bī-choân Liông,2024 nî Tâi-kǹg Hiông-eng), ka-siōng ūi-tio̍h hông-chí goân-pún sài-chè chō-sêng kùi-sài pâi-miâ tē-3 ê kiû-tūi ū khó-lêng tī lē-hêng-sài ê siōng-bóe kúi-tiôⁿ thang khò su-kiû hō͘ siōng-pòaⁿ-kùi koan-kun pau-pān hā-pòaⁿ-kùi koan-kun lâi tit-tio̍h chìn-kip kùi-āu-sài ê chu-keh, só͘-í kái tńg-khì 2005 nî ê chè-tō͘, m̄-koh ia̍h-sī ū chi̍t-kóa tiâu-chéng.
- Nā siōng hā pòaⁿ-kùi koan-kun bô-kāng-tūi:
- Choân-nî sèng-lu̍t khah koân ê pòaⁿ-kùi koan-kun ti̍t-chiap chìn-kip Tâi-oân Tōa-sài, choân-nî sèng-lu̍t khah kē ê pòaⁿ-kùi koan-kun kah kî-thaⁿ kiû-tūi lāi-té sèng-lu̍t siōng koân ê kiû-tūi ē chìn-hêng 4-chiàn 3-sèng chè ê Kùi-āu Thiau-chiàn-sài, choân-nî sèng-lu̍t khah kē ê pòaⁿ-kùi koan-kun kiû-tūi ē seng tit-tio̍h 1-sèng, pēng-chhiáⁿ koh ū 3-tiôⁿ chú-tiôⁿ ê iu-sè (1-1-2), seng tit-tio̍h 3-sèng ê kiû-tūi chìn-kip; choân-nî sèng-lu̍t khah koân ê pòaⁿ-kùi koan-kun kiû-tūi ē-tàng tī Chóng-koàn-kun-sài tit-tio̍h 5-tiôⁿ chú-tiôⁿ iu-sè, chú-tiôⁿ mā tùi 2-3-2 kái-chò "2-2-3" ê sài-chè.
- Nā siōng hā pòaⁿ-kùi koan-kun kâng chi̍t-tūi:
- Kùi-āu Thiau-chiàn-sài kah kòe-óng kāng-khoán, sī choân-nî sèng-lu̍t tē-2 kah tē-3 ê kiû-tūi sio-chiàn, chìn-hêng 5-chiàn 3-sèng chè ê Kùi-āu Thiau-chiàn-sài, choân-nî sèng-lu̍t tē-2-ê kiû-tūi ū 3-tiôⁿ ê chú-tiôⁿ iu-sè (2-2-1); pau-pān siōng hā pòaⁿ-kùi koan-kun ê kiû-tūi ē tī Chóng-koan-kun-sài seng tit-tio̍h 1-sèng pēng-chhiáⁿ ū 4-tiôⁿ chú-tiôⁿ (2-2-2) ê iu-sè.
Ta̍k-nî ê Tâi-oân Tōa-sài
siu-káiChia̍p-khòaⁿ ê Tùi-chiàn Cho͘-ha̍p
siu-kái- Thóng-it 7-ELEVEn Sai kah Tiong-sìn Hiaⁿ-tī (hâm chiân-sin Hiaⁿ-tī Chhiōⁿ): 7-pái
- 1993 (Hiaⁿ-tī Chhiōⁿ), 2001 (Hiaⁿ-tī Chhiōⁿ), 2008 (Thóng-it 7-ELEVEn Sai), 2009 (Thóng-it 7-ELEVEn Sai), 2020 (Thóng-it 7-ELEVEn Sai), 2021 (Tiong-sìn Hiaⁿ-tī), 2024 (Tiong-sìn Hiaⁿ-tī); Hiaⁿ-tī 4-sèng 3-pāi
- Thóng-it 7-ELEVEn Sai kah Lo̍k-thian Thô-oân (hâm chiân-sin La New Hîm kah Lamigo Thô-oân): 5-pái
- 2006 (La New Hîm), 2007 (Thóng-it Sai), 2011 (Thóng-it 7-ELEVEn Sai), 2012 (Lamigo Thô-oân), 2018 (Lamigo Thô-oân); Thô-oân 3-sèng 2-pāi
- Tiong-sìn Hiaⁿ-tī kah Lo̍k-thian Thô-oân (hâm chiân-sin Lamigo Thô-oân): 5-pái
- 2014 (Lamigo Thô-oân), 2015 (Lamigo Thô-oân), 2017 (Lamigo Thô-oân), 2019 (Lamigo Thô-oân), 2022 (Tiong-sìn Hiaⁿ-tī); Thô-oân 4-sèng 1-pāi
- Thóng-it 7-ELEVEn Sai kah Hù-pang Hān-chiòng (hâm chiân-sin Heng-lông Gû kah Gī-tāi Sai-gû): 3-pái
- 2000 (Thóng-it Sai), 2004 (Heng-lông Gû), 2013 (Thóng-it 7-ELEVEn Sai); Sai 2-sèng 1-pāi
- Tiong-sìn Hiaⁿ-tī (hâm chiân-sin Hiaⁿ-tī Chhiōⁿ) kah Hù-pang Hān-chiòng (hâm chiân-sin Heng-lông Gû kah Gī-tāi Sai-gû): 3-pái
- 2003 (Hiaⁿ-tī Chhiōⁿ), 2010 (Hiaⁿ-tī Chhiōⁿ), 2016 (Gī-tāi Sai-gû); Hiaⁿ-tī 2-sèng 1-pāi
Kiat-kó
siu-kái- ○ tāi-piáu sèng-tiôⁿ, ● tāi-piáu pāi-tiôⁿ, ☆ tāi-piáu pó-sàng-sèng.
- Pau-pān siōng hā pòaⁿ-kùi koan-kun, ti̍t-chiap chiâⁿ-chò kū-chè lāi-té ê nî-tō͘ chóng-koan-kun, só͘-í bô Chóng-koan-kun-sài: 1992 nî Hiaⁿ-tī Chhiōⁿ[chù 1], 1994 nî Hiaⁿ-tī Chhiōⁿ, 1995 nî Thóng-it Sai.
- Pau-pān siōng hā pòaⁿ-kùi koàn-kun, chiàu kū-chè liân-bêng kui-chiong kui-tēng, ū 1-tiôⁿ "pó-sàng" sèng: 2002 nî Hiaⁿ-tī Chhiōⁿ, 2017 nî Lamigo Thô-oân, 2018 nî Lamigo Thô-oân.
Kok-tūi Chham-ú Chhù-sò͘ Lia̍t-toaⁿ
siu-kái| Kiû-tūi | Chham-sài chhù-sò͘ | Koan-kun | Su-kiû | Sèng-lu̍t | Chham-sài nî-tō͘ |
|---|---|---|---|---|---|
| Thóng-it 7-ELEVEn Sai (Thóng-it Sai) | 17 | 9 | 8 | .529 | 1991, 1993, 1996, 2000, 2001, 2004, 2006, 2007, 2008, 2009, 2011, 2012, 2013, 2018, 2020, 2021, 2024 |
| Tiong-sìn Hiaⁿ-tī (Hiaⁿ-tī Chhiōⁿ) | 16 | 8 | 8 | .500 | 1993, 2001, 2002, 2003, 2008, 2009, 2010, 2014, 2015, 2016, 2017, 2019, 2020, 2021, 2022, 2024 |
| Lo̍k-thian Thô-oân (Tē-it Kim-kong, La New Hîm, Lamigo Thô-oân) | 11 | 7 | 4 | .636 | 2006, 2007, 2011, 2012, 2014, 2015, 2017, 2018, 2019, 2022, 2023 |
| Bī-choân Liông | 7 | 5 | 2 | .714 | 1990, 1991, 1996, 1997, 1998, 1999, 2023 |
| Hù-pang Hān-chiòng (Chùn-kok Hîm, Heng-lông Hîm, Heng-lông Gû, Gī-tāi Sai-gû) | 8 | 3 | 5 | .375 | 1998, 2000, 2003, 2004, 2005, 2010, 2013, 2016 |
| Tâi-kǹg Hiông-eng | 0 | 0 | 0 | – | |
| Tiong-sìn Keng (Hô-sìn Keng) | 2 | 0 | 2 | .000 | 1999, 2002 |
| Sêng-thài Cobras (Sêng-thài Thài-iông) | 1 | 0 | 1 | .000 | 2005 |
| Sam-siong Hó͘ | 1 | 0 | 1 | .000 | 1990 |
| Sî-pò Eng | 1 | 0 | 1 | .000 | 1997 |
Pī-chù:
- Niáu-chhí-á-sek sī í-keng kái-sàn ê kiû-tūi
- Chho͘-jī tāi-piáu tit-tio̍h koan-kun
- Pau-pān siōng hā pòaⁿ-kùi koan-kun, ti̍t-chiap chiâⁿ-chò kū-chè lāi-té ê nî-tō͘ chóng koan-kun, só͘-í bô Tâi-oân Tōa-sài: 1992 nî Hiaⁿ-tī Chhiōⁿ[chù 1], 1994 nî Hiaⁿ-tī Chhiōⁿ, 1995 nî Thóng-it Sai, bô khǹg tī lāi-té.
Chù-kha
siu-kái- ↑ 1.0 1.1 1992 nî ê sî bat iōng sú-siōng ûi-it chi̍t-pái ê Kim-koan-kun Thiau-chiàn-sài tāi-thè.
Siong-koan Bûn-chioⁿ
siu-káiChham-khó Chu-liāu
siu-kái- Tiong-hôa Chit-pāng Koaⁿ-hong Bāng-chāmArchived 2009-03-16 at the Wayback Machine.
- Tiong-hôa Chit-pāng Kì-lo̍k Nî-kàm
- ↑ 歐建志. "中華大聯盟／總冠軍賽命名台灣大賽 前4戰門票10日預售". NOWnews 今日新聞網 (ēng Hôa-gí).
- ↑ 2.0 2.1 2.2 2.3 2.4 2.5 2.6 姚瑞宸. "中職明年240戰 3.28開打". 蘋果日報 (ēng Hôa-gí).[íng-íng bô-hāu ê liân-kiat]
- ↑ 黎建忠. "中華職棒2005年度選秀 許志華榮獲狀元". 中央社 (ēng Hôa-gí). Goân-pún bāng-ia̍h Pó-chûn tī 2021-01-24. 2011-11-08 khòaⁿ--ê.
- ↑ root. "中華職棒變革 選秀 讓渡 自由球員 保障薪 皆有新制". ESPN STAR.com (ēng Hôa-gí). goân-loē-iông tī 2013-01-13 hőng khó͘-pih. 2011-11-08 khòaⁿ--ê.
Gōa-pō͘ Liân-kiat
siu-kái- (Hàn-gí)台灣大賽
Tâi-oân Pāng-kiû Wiki-koán：台灣大賽(Hàn-gí)