Tēⁿ Lúi-chu

Tēⁿ Lúi-chu (鄭蘂珠; 1910 nî – 1997 nî), goân-miâ Tēⁿ Khiok (鄭却), sī Tâi-oân ê sî-jîn, hàn-bûn sian-siⁿ, biō-sī chū-chhî.

Lâi-le̍k

Tēⁿ-sī tī 1917 nî ji̍p Sin-tek Tē-jī Kong-ha̍k-hāu, tong-sî to̍h tòe Tēⁿ Ka-tin (鄭家珍) téng sian-siⁿ o̍h Hàn-bûn, 1923 nî chut-gia̍p liáu-āu, kè-sio̍k tòe Tēⁿ Ka-tin ha̍k-si̍p Hàn-ha̍k, thian-bûn, kiam le̍k-hoat. 1929 nî i khai-sí kà Sì-su, Gō͘-keng, chhek-to̍k, sî-bûn téng hāng-bo̍k. 1939 nî ê sî, koh chiap ióng-bú Tēⁿ Ia̍p Sūi-liân (鄭葉瑞蓮) chhòng-siat ê Sian-thian-phài Chai-kàu Chí-hâ-tông (紫霞堂) chò chū-chhî.

Chham-chiàu

• "古典漢文教育的薪傳者---鄭家珍與鄭却". 新竹市文化局. 2017-07-13 khòaⁿ--ê.