Tang-lâm-a Iú-hó Ha̍p-chok Tiâu-iok

Tang-lâm-a Iú-hó Ha̍p-chok Tiâu-iok (東南亞友好合作條約) iû Tang-lâm-a Kok-ka Hia̍p-hōe hoat-khí-kok tī 1976 nî 2 goe̍h 24 hō tī Ìn-nî Bâ-lí-tó kí-hêng ê Tang-hia̍p tē-it pái siú-náu hōe-gī téng chhiam-sú--ê. Só͘-ū Tang-hia̍p sêng-oân-kok sûi-āu chiâⁿ-chò chhiam-iok-kok. 1987 nî, Tang-hia̍p siu-kái tiâu-iok, iau-chhiáⁿ Tang-lâm-a tē-khu í-gōa ê kok-ka ka-ji̍p tiâu-iok, lī-piān kiàn-li̍p sìn-sim, chhiok-chìn hô-pêng kap an-choân, pēng thui-tōng tē-khu hoân-êng.