Tea′s Goân-bī

Tea's Goân-bī (Tea′s原味), kong-si teng-kì miâ-hō sī Sin-san Sū-gia̍p Iú-hān Kong-si (新山事業有限公司), sī chi̍t keng khí-goân tī Tâi-oân Ka-gī-chhī Tang-khu ê liân-só chhiú-iô ím-liāu-tiàm phín-pâi. Tī 2005 nî sêng-li̍p, ùi Ka-gī-chhī Bûn-hòa-lō͘ Iā-chhī khí-ke, chhòng-pān-jîn kiam táng-sū-tiúⁿ sī Chhòa Ka-hiàn (蔡佳憲). Tea′s Goân-bī í-keng sī khòa-kok khì-gia̍p, bo̍k-chiân choân-kiû ū chhiau-kòe 1000 keng mn̂g-chhī. Tû-liáu Tang-khu chóng-pō͘, tī Thô-hn̂g Pêng-tìn kap Tiong-kok Hâng-chiu mā ū siat hun-kong-si. Ka-gī-koān Bîn-hiông ū kang-tiûⁿ.