|
'''O·-ji̍t-hiong''' (烏日鄉) sī [[Tâi-oân]], [[Tâi-tiong-koān]] ē-kha ê 1-ê [[hiong]].
== Tē-lí ==
O·-ji̍t-hiong tī [[tong-keng]] 120.38-tō·, [[pak-hūi]] 24.07-tō·. [[Tâi-tiong-kōan]] ê se-lâm kak, pak-pêng sio-chiap [[Tâi-tiong-chhī]], tang-pêng sī [[Tāi-lí-chhī]] kap [[Bū-hong-hiong]], lâm-pêng sī [[Hun-hn̂g-hiong]], sai-pêng sī [[Tōa-tō·-soaⁿ]] kap [[Chiong-hòa-chhī]].
Tang-se ū 8.4 km, lâm-pak ū 10.4 km. Chóng-bīn-chek sī 43.3 [[km²]].
O·-ji̍t chē hô-chhoan. [[Tōa-tō·-khe]], [[O·-khe]] kap in ê hun-ki chhng kòe O·-ji̍t. Ū chò tōa-chúi ê gûi-ki, chóng-sī mā sī chá-chêng ê keng-chè ki-chhó· chi it.
== Chhoan-tìn ==
Hiān-tāi ê O·-ji̍t-hiong ū 16 chhoan:
*[[Chiân-tek-chhoan|Chiân-tek]]
*[[Êng-chôaⁿ-chhoan|Êng-chôaⁿ]]
*[[O̍h-chhân-chhoan|O̍h-chhân]]
*[[Kiú-tek-chhoan|Kiú-tek]]
*[[Jîn-tek-chhoan|Jîn-tek]]
*[[Kong-bêng-chhoan|Kong-bêng]]
*[[Khe-bóe-chhoan|Khe-bóe]]
*[[Khe-pà-chhoan|Khe-pà]]
*[[Lâm-lí-chhoan|Lâm-lí]]
*[[Lê-thâm-chhoan|Lê-thâm]]
*[[Ngó·-kong-chhoan|Ngó·-kong]]
*[[O·-ji̍t-chhoan|O·-ji̍t]]
*[[Ô·-ji̍t-chhoan|Ô·-ji̍t]]
*[[Pak-lí-chhoan|Pak-lí]]
*[[Sam-hô-chhoan|Sam-hô]]
*[[Tang-hn̂g-chhoan|Tang-hn̂g]]
O·-ji̍t tī [[1946]]-nî siat hiong.
== Keng-chè ==
Tī [[Khiân-liông]] sî-tāi, O·-ji̍t tē-khu ê hàn-jîn ná lâi ná chē. Khí [[Ông-chhân-chùn]] (王田圳) liáu-āu, tùi Tâi-tiong ín--lâi ê chúi-gôan chı̍t-ē ún-tēng, jîn-kháu tō tōa cheng-ka. Ke-ê tiū-bí thàu-kòe hô-chhoan hē-thóng tùi [[Ô·-ji̍t-káng]] ūn kàu [[Lo̍k-káng]]. Khiân-liông 50-nî chìn-chêng, seng chóan-ūn kaù [[An-pêng-káng]], chiah tùi hia chài kòe hái-kiap bē khì [[Hok-kiàn]]. Khiân-liông 50-nî í-āu, tō ti̍t-chiap tùi Lo̍k-káng ūn khì Hok-kiàn.
[[Ko-sok-thih-lō·]] ê Tâi-tiong chām beh khí tī [[Sam-hô-chhoan]].
== Siā-hōe ==
Tùi O·-ji̍t ê chi̍t-kóa kū tē-miâ (chhin-chhiūⁿ [[Tang-hn̂g-chhoan|Hoan-á-hn̂g]]) ē-tit liáu-kái O·-ji̍t tē-khu gôan-pún sī [[lâm-tó]] [[pêⁿ-po·]] cho̍k-kûn ê o̍ah-tōng tē-pôaⁿ.
Kin-kù 1926-nî (?) ê tiau-cha, O·-ji̍t ê jîn-kháu ū 8,500-lâng, kî-tiong 94% chó·-chek sī Hok-kiàn [[Chiang-chiu]].
O·-ji̍t ê sîn-bêng pau-koat [[Kóng-hūi Chun-ông]], [[Thian-siōng Sèng-bó]], [[Hiân-thân Gôan-sòe]], [[Khai-chiong Sèng-ông]].
== Chham-khó Chu-liāu ==
*[http://lib.ncl.edu.tw/cgi-bin/isbnget?OPT=PUB.F&TYPE=B&PGNO=1&SEL.CL=&FNM=PF13088218913068249&PAGELINE=10&SRH=95728066&TOT=1&THIS=1&RID=P06518&NN=1 烏日文史協會] [http://lib.ncl.edu.tw/cgi-bin/isbnget?OPT=BOOK.F&VNM=&TOT=1&THIS=1&RID=910910*0150&TYPE=F 烏日文史匯編第一集]
*中縣烏日鄉公所 [http://lib.ncl.edu.tw/cgi-bin/isbnget?OPT=NBK.F&VNM=&TOT=1&THIS=1&RID=920527*0037&NN=1 烏日鄉志文化篇]
== Chām-gōa Chu-gôan ==
*[http://www.wujihtcc.gov.tw O·-ji̍t Hiong-kong-só·]
*[http://www.wjes.tcc.edu.tw O·-ji̍t Kok-bîn Sió-ha̍k], [http://www.wjjh.tcc.edu.tw O·-ji̍t Kok-bîn Tiong-ha̍k]
*[http://home.kimo.com.tw/wz119/ O·-ji̍t Siau-hông Hun-tūi]
*[http://wjhs.org.tw/ O·-ji̍t Bûn-sú Hia̍p-hōe]
{{Holopedia-db}}
[[zh:烏日鄉]]
| 