Thài-khong-so kè-ōe

Thài-khong-so kè-ōe (Eng-gí: Space Shuttle program), koan-hong hō-miâ Thài-khong Ūn-su Hē-thóng (Space Transportation System; STS) sī Bí-kok chèng-hú tī 1972 nî kàu 2011 nî kî-kan si̍t-hêng ê chài-lâng hoat-siā ūn-kū (launch vehicle) kè-ōe, chú-chhî pō͘-mn̂g sī NASA.

Pún kè-ōe tùi 1960 nî-tāi khai-sí ū siat-sióng, chèng-sek sêng-li̍p sī 1972 nî, thâu pái chhì poe sī 1977 nî 2 goe̍h 18 ê Enterprise hō thài-khong-so; tē-1 kái thài-khong jīn-bū sī 1981 nî 4 goe̍h 12 ji̍t ê STS-1, sī ēng thài-khong-so Columbia chip-hêng--ê.

2011 nî 7 goe̍h Atlantis ê STS-135 sī siāng-bóe chi̍t pái jīn-bū. Kè-ōe tī tong-nî 8 goe̍h 31 chèng-sek kiat-sok.