Thó-lūn:Hoán-choân-kiû-hòa

反全球化

反全球化是反對現此時當時行的全球化的款式的人抑團體(人因)所用的口號或者是指(人因)的行動。

反洛桑(Lausanne)的世界經濟論壇的壁造(graffiti)，頂懸寫講: La croissance est une folie ("成長就是痟狂")。

真濟人共"反全球化"當做一个社會運動，毋過嘛有人共看做是幾阿个無像的社會運動，毋管按怎，反全球化的參與者有和齊咧佮大企業的政治勢力對tu，遮的大企業的勢力踮貿易條約佮濟濟所在攏觀察會著，反全球化者表示遮的行放佮現象有損蕩環境、勞工權利、國家主權佮第三世界等等。

大多數予人叫做"反全球化"的人士較佮意人稱呼(人因)是全球正義運動的成員，佇義大利(Italia)較捷講做運動的運動 (movimento dei movimenti)，若佇法國是定定叫做改變全球化 (l'altermondialisme)，這个運動有濟濟號名。

今咱所知的遮的團體抑個人是佇20世紀尾期發展做"反全球化運動"的，(人因)對扴(音:ke̍h)企業活動佮發展國家 (developing nations)催捒(音:sak)的自由貿易所檢采的會造成的全球化。