Thó-lūn:Choân-kiû-hòa

全球化

全球化基本的是指踮佇無仝所在，離遠遠的人，現此時欲互相聯係變較簡單啊，這个詞嘛指今人較容易做長途旅行啊，頭前遮的現像的產生，著感謝親像手機仔、網路、飛行機佮人造衛星的發明。

並毋是隨人攏佮意全球化，反對的人認為全球化會共逐所在變做仝一个款式，佮會共在地的認同拍擦銷， (人因)掠講就是全球化允准大間公司，親像可口可樂(Coca-Cola)直直來得著閣較大的權利，遮會製造濟濟本底無的災厄佮問題。

若支持全球化的人，(人因)提出：全球化予人類閣較團結做伙，閣較相倚，閣全球化有可能會當通幫贊較散赤的 國家得著經濟上的改善，另外無仝國家的人會較有機會瞭解別國家的文化佮人民，透過互相認捌來發見人類中間的濟濟共同點，凡勢對世界和平有利益也無的確。

整個來講，造成全球化的交通、通信佮資訊科技的進步， 毋但予人和地域中間的接接增加，嘛予逐區域的政治、經濟佮文化相落láu。