Thó-lūn:N̂g Hiān-hôan

黃現璠

黃現璠兮像，廣西省扶綏縣樂養城

黃現璠(1899年11月13日 - 1982年1月18日)是中國現代出名兮人類學家兼歷史學家，伊嘛是壯族歷史的開基祖佮八桂學派兮頭人，捌佇中國的反右運動彼站仔，予中共拍做壯族抑是史學界上蓋大兮右派，受著二十冬兮迫害。 黃現璠教授在生兮時佇民族學參歷史學遮兮領域骨力拚勢，一世人寫過足濟優秀兮作品，伊写兮《廣西僮族簡史》佮《壯族通史》攏是中國頭一本研究壯族歷史的著作，伊写兮《唐代社會概略》是中國頭一本研究唐朝社會兮著作，伊写兮《宋代太學生救國運動》是中國頭一本研究學生運動兮著作。

經歷

---

1899年伊佇中國廣西省兮扶綏縣出世，出世兮時號做甘錦英，自細漢老母就過身--去，是老爸共他晟養大漢的，少年兮時陣在家鄉兮學堂讀冊，1922年考著"廣西省立三师"，1926年出業了后，考牢國立北京師範大學預科，佇遐學習中國歷史，是王桐齡、陶希圣佮蕭一山兮學堂生，1932年熱人卒業，提著歷史學士兮學位了后，由於他品學兼優，毋免考試入去北師大兮研究所深造，綴陳垣佮朱希祖精研教育學佮歷史學，1935年提著教育碩士兮學位，畢業了後，仝年11月去日本留學，佇東京帝國大學(這馬的東京大學)大學院讀冊，接受東大大學院教授和田清、加藤繁佮原田淑人兮指導，專攻東洋史、日本史、民俗學。

黃現璠兮像，廣西師範大學

1937年因為中日戰爭爆發，佇寒人倒轉去中國廣西，佇廣西大學教冊做先生，1940到1941年中間，佇廣西大學升起來做副教授矣，這以後，又閣轉去廣東，予中山大學聘請做教授，成做壯族頭一個教授。1942年8月，予国立桂林师范学院聘任做歷史教授，到甲1943年秋天，黃現璠閣再倒轉去廣西大學做教授，1949年熱天，升起哩兼任廣西大學訓導長，仝彼年冬尾，調到中文系兼任主任教授，1950年10月，又閣調任圖書館館長，1952年彼陣，中共推行高等學堂调整，他被派遣去廣西師范學院做歷史系的教授參閣再兼任圖書館館長，自按呢兮30冬，伊攏佇遐廣西師范學院食頭路，黄现璠教授參其它兮学者無仝，伊對1942年到甲1982年兮40冬攏留蹛广西，為著壯族的學術事業拍拚，他佇做壯族的學術調查彼時，差不多共廣西行透透矣，提著真濟寶貴兮考古和文字資料，嘛替壯族兮人類學參民族學研究徛重要的基礎，1982年1月18號，因為腦溢血病，在廣西桂林過身，歲壽83，他往生了后，當時兮廣西壯族自治區政府帶念黃現璠一世人做出兮巨大貢獻，專工落葬伊在南寧兮廣西壯族自治區革命公墓，1999年11月，捌佇廣西師范大學舉辦"黃現璠教授出世百冬紀念座談會"，散會了后，廣西師范大學编辑出版過《黃現璠教授誕辰百年紀念文集》參《黃現璠學術論文集》，現此時桂林中學佮廣西師範大學各自徛有“黃現璠獎學金"慘"黃現璠少數民族獎學金"。

在生兮兼职

---

黃現璠在世兮時，伊兼任過濟濟社會慘學術職務，主要有：中央民族訪問團廣西分團（團長費孝通）副團長、第壹屆全國人大代表、第壹屆中國人民對外文化協會兮理事、第壹屆全國人大民族委員會兮委員、中央對外文化聯絡委員會委員、第五屆全國政協委員、廣西少數民族社會歷史調查組頭人、頭壹屆中國民族學學會顧問、頭壹屆中國百越民族史研究會副會長、頭壹屆中國西南民族研究學會顧問佮《中國大百科全書·民族》編輯委員會委員遮的兼職。晚歲捌創辦漓江業余大學，佇遐做校長。

---

外口連結

---

• 桂海學術泰鬥黃現璠，中國網，2009-07-17
• 梁黎，中國人類學民族學研究對新中國兮貢獻人民網，2008-05-12
• 代启福，中外著名兮人類學民族學家肖像及簡介（來源於百度），民俗學博客-Folklore Blogs，2009-03-25