Thó-lūn:Thu̍t-the

脫胎

落胎的情形

對飼奶動物來講，脫胎、落胎抑流產是指胚胎抑是胎兒未曾出世，捾膭（有膭抑是有身的狀態）就提早扯煞，脫胎有可能是家己發生的，這定定是因為過程中有佗位出問題的起致，若人類有當時仔會刁工做予脫胎，這叫做拍脫身。

幼胎佮囡仔胎的區別

---

人有身了後著用38禮拜通長成了後出世，一般是老母上尾擺月身了後40禮拜了後就生囝，佇老母腹肚咧生長的上起頭8个禮拜就叫做幼胎(英語：embryo)，閣來的32禮拜就叫做囡仔胎(英語：fetus)。

脫胎的類型

---

脫胎有兩个大類，有時陣是有身的過程中脫胎，結果幼胎抑囡仔胎自按呢死去，這个情形號做母身死。

脫胎是一寡時陣對婦人人是蓋危險的，婦人人生囝嘛真艱計，伊凡勢真煩惱，閣檢采伊無想欲愛囡仔，若按呢，伊就有可能刁工共扯煞，這个情形，就叫做拍脫身。

頂懸這兩款，若幼胎抑囡仔胎對子宮出來，就是完全脫胎，有時陣，幼胎抑囡仔胎會猶原留佇子宮裡，這號做脫胎敗馬(missed abortion)，若脫胎敗馬，著透過手術共胎提出來，按呢婦人人才袂感染破病。

拍脫身（刁工予脫胎）

詳細：人工流產

名稱

若胎是因為自然的因端佇有身的頭20禮拜裡死去，咱講小產抑落胎，若佇第20到37禮拜就生囝，就是早產（無足月生），胎若佇20禮拜了後佇子宮死去，或是生的時chuâⁿ死，就叫做死胎抑是死產（英語：stillbirth），早產佮死胎一般無看做是小產。