Tiān-chú-phoe
(Tùi Tiān-chú iû-kiāⁿ choán--lâi)
Tiān-chú-phoe (電子批) sī ēng tiān-chú (sò͘-ūi) hêng-sek, thàu-koè tiān-chú ko͘-thong hē-thóng, lâi pian-chip, thoân-sàng, chhûn-khǹg kap chiap-siu chu-sìn ê 1-khoán ko͘-thong hong-sek. Khah khoah-bīn ê kái-soeh lâi kóng, tiān-chú-phoe pau-koat thàu-koè bāng-chè bāng-lō͘ tiān-chú-phoe hē-thóng, Kán-īⁿ Tiān-chú-phoe Thoân-sàng Hia̍p-tēng (Simple Mail Transfer Protocol; SMTP), he̍k-chiá-sī e̍h-e̍k bāng-lō͘ hē-thóng (intranet systems) lāi-té, bô-kāng sú-ēng-chiá chi-kan lâi-khì ê tiān-chú phoe. Hiān-chhú-sî tiān-chú-phoe mā hō͘ lâng ēng lâi thoân-sàng toā-chong ê kóng-kò ia̍h it-poaⁿ lâng bô-ài ti̍h ê sìn-sit, hō-chò pùn-sò-phoe, tiān-chú-phoe ê koán-lí-chiá ē ēng koè-tiû thêng-sek lâi kā toā-pō͘-hūn ê pùn-sò-phoe tû-bia̍t.