Tiong-hôa Bîn-kok Lîm-sî Chèng-hú
Wikimedia khu-pia̍t-ia̍h
Tiong-hôa Bîn-kok Lîm-sî Chèng-hú (中華民國臨時政府), kán-chheng Lîm-chèng (臨政), sī Tiong-kok Sin-hāi Kek-bēng kî-kan, iû to̍k-li̍p kok-séng kap kek-bēng tóng lâng tī 1912 nî 1 goe̍h chhe 1 tī Kang-so͘ Lâm-kiaⁿ sêng-li̍p ê chèng-hú ki-koan. Tī Lâm-kiaⁿ tāi-iok 3 kò-goe̍h kî-kan koh hō chò Lâm-kiaⁿ Lîm-sî Chèng-hú (南京臨時政府). Lîm-chèng tī Chheng-tè thè-ūi āu chhian-óng Pak-kiaⁿ. 1912 nî 3 goe̍h chhe 10, Oân Sè-khái chiū-jīm lîm-sî tāi-chóng-thóng kàu 1913 nî 10 goe̍h chhe 10 Tiong-hôa Bîn-kok Pak-iûⁿ Chèng-hú chèng-sek sêng-li̍p kî-kan, iû Oân Sè-khái tī Pak-kiaⁿ sêng-li̍p ê Tiong-hôa Bîn-kok lîm-sî koán-tī ki-kò͘ iū-koh hō-chò Pak-kiaⁿ Lîm-sî Chèng-hú (北京臨時政府).