Tn̂g té-kî kì-ek

Tn̂g té-kî kì-ek (Eng-gí: long short-term memory), kán-chheng LSTM, sī chi̍t khoán jîn-kang sîn-keng bāng-lō͘. Hām piau-chún sūn-hong-hiòng sîn-keng bāng-lō͘ bô-kāng, LSTM ū ge̍k-hong-hiòng ê liân-kiat, kap sûn-khoân sîn-keng bāng-lō͘ (RNN) kāng-khoán thang sú-iōng lāi-pō͘ chōng-thài (state) lâi chhú-lí kò͘-tēng ia̍h piàn-hòa tn̂g-tō͘ ê su-ji̍p chu-liāu. It-poaⁿ ê LSTM pau-hâm chi̍t ê cell (tan-goân), chi̍t ê input gate (su-ji̍p cha̍h), chi̍t ê output gate (su-chhut cha̍h) kap chi̍t ê forget gate (bē-kì cha̍h). Tan-goân ē-kì-tit kúi-nā ê sî-kan khu-kan chêng ê sò͘-ti̍t, ah saⁿ ê "cha̍h" tiâu-chéng tan-goân ê chu-sìn chìn-chhut.

LSTM tan-goân