Yamatai

Yamatai Kok (邪馬台国 ^{(Iâ-má-tâi-kok)}/ やまたいこく, Yamataikoku)) sī Sam-kok-chì Gūi-chì E-jîn-toān lāi só͘ kì-chài ê lú-ông-kok ê kok-miâ. Chiàu Gūi-chì ê kì-chài só͘ siá, 2 sè-kí sî ê Ji̍t-pún chûn-chāi chē-chē sió kok, Yamatai sī thóng-tī chia-ê kok-ka ê kiông-tāi kok-ka. Lú-ông Himiko bat thóng-léng chiu-piⁿ ê Nakoku (奴国) kap Ito koku ( 伊都国) téng-téng kok-ka hiòng Chô Gūi chèng-khoân chìn-kòng. Lú-ông kòe-sin liáu-āu, oāⁿ kāng cho̍k ê Toyo kè-sêng.