Âng-mn̂g-káng (Ko-hiông-chhī)
Âng-mn̂g-káng (紅毛港) goân-sin sī Tâi-oân Ko-hiông Sió-káng tē-hng ê hái-kîⁿ chng-siā, khah-chá mā pat si Tâi-oân chú-iàu ê hî-káng chi it.
| Âng-mn̂g-káng 紅毛港 |
|
| — goân tōa-jī — | |
_location_map.svg)  Âng-mn̂g-káng |
|
| Keng-hūi-tō͘: 22°32′57″N 120°19′10″E / 22.54917°N 120.31944°E | |
| Koān-chhī | Ko-hiông-chhī |
|---|---|
| Hiong-tìn-chhī-khu | Sió-káng-khu |
1970 nî-tāi liáu-āu, in-ūi hū-kīn kang-gia̍p ê hoat-tián kap Ko-hiông Káng ê khok-tiong, Âng-mn̂g-káng ê hî-sán chiām-chiām siau-si̍h. Té-bé hō͘ chèng-hú oē ji̍p hòe-kūi bé-thâu ê kè-oē tē-tiám. Tī 2007 nî, kui-ê chū-lo̍h thiah-tû, chng-bîn mā oân-choân poaⁿ kòe sin-ê só͘-chāi khiā-khí.
Liáu-āu goân-té Âng-mn̂g-káng tē-khu to̍h kái siat chò Ko-hiông Káng sin ê hoè-kūi tiong-sim.
Tē-lí
siu-káiÂng-mn̂g-káng só͘-chāi tī Ko-hiông-káng ê tang-lâm-pêng, ùi Tōa-nâ-pô͘ kap Hōng-phīⁿ-thâu ê pak-pêng, éng-pái, tī Tē-jī Káng-kháu khai-siat chìn-chêng, sī chham Kî-tin pòaⁿ-tó téng-bīn ê Tiong-chiu sio thàng[1].
.png)
Le̍k-sú
siu-kái17 sè-kí, Hô-lân sî-tāi í-keng ū kì-lio̍k chia ê lia̍h-hî oa̍h-tāng.
Cheng-kok thóng-tī Tâi-oân bóe-kî, kin-á-ji̍t ê Âng-mn̂g-káng tē-hng, sī pun chò Âng-mn̂g-káng-chng kap Hái-sòaⁿ-chng (海汕庄), sio̍k Tâi-lâm-hú ê Hōng-koaⁿ-koān koán-lāi. Ji̍t-pún sî-tāi tāi-seng sī kè-sio̍k chá-chêng ê siat-kè, têng chân ê hêng-chèng-khu keng-kòe chē pái kái-sin, kàu 1909 nî ê sî, sī sio̍k tī Tâi-lâm-thiaⁿ lāi-té.
Chū 1920 nî khai-sí, Âng-mn̂g-káng sī Hōng-soaⁿ-kūn Sió-káng-chng ê tōa-jī hêng-chèng-khu chi it. Tī 1935 nî ū jîn-kháu 5313 lâng[2]. Pún tē-hng tī hit chūn tng sī o͘-hî-chí ê sán-tē.[3]
1968 nî, Âng-mn̂g-káng hông ōe ji̍p Lîm-hái Kang-gia̍p-khu lāi-té, khai-sí hān-chè kiam kìm-chí khí-chhù. Té-bé Ko-hiông Káng-bū-kio̍k koh kā pún tē-hng sǹg ji̍p Tōa-nâ Siong-káng-khu (大林商港區) ê kè-ōe-tē, jî-chhiá ùi 1975 nî thê-chhut chhian-chhun kè-ōe[1].
Chham-chiàu
siu-kái- ↑ 1.0 1.1 蕭惠萍 (2012). 地方經濟建設與聚落產業、文化衝擊 — 以高雄紅毛港聚落為中心研究 1961—2011年 (sek-sū thesis). 國立高雄師範大學 台灣歷史研究所.
- ↑ 臺灣總督官房調查課 (1936). 昭和十年末 臺灣常住戶口統計. p. 286.
- ↑ 李候 (1934 nî 3 goe̍h). "高雄州紅毛漁業組合の近況". 臺灣水產雜誌. 臺灣水產協會.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |