Ûi-kî
Ûi-kî (圍棋), ia̍h bûn-kî (文棋),[1] sī chi̍t khoán kî-lūi oa̍h-tāng, ki-pún ê ī hoat sī ēng oē keh-á ê kî-poâⁿ kap o͘-pe̍h 2-sek ê kî-á, 2-ê lâng hun-pia̍t the̍h 1-sek ê kî lâi kiâⁿ-kî, sǹg só͘ chiàm tē-poâⁿ kap só͘ chia̍h ê kî-á sò͘-liōng hun su-iâⁿ.
Ûi-kî sī tùi kó͘-chá-sî Tiong-kok só͘ sán-seng, tī Ji̍t-pún chìn chi̍t-pō͘ hoat-tián, hiān-tāi tī sè-kài thong-hêng. Kok-chè-siōng it-poaⁿ chheng ûi-kî sī go, che sī tùi Ji̍t-gí ê "kî" (碁) chit jī só͘ lâi.