Thó-lūn:Ilias
(Tùi 伊利亞德 choán--lâi)
伊利亞德 siu-kái
伊利亞德（古希臘文： Ἰλιάς, Ilias, 拉丁語：Iliad）佮奧德賽(Odusseia)(英文: Odyssey)是兩首希臘古早的敘事詩，一般是共荷馬(Homeros)當做怹的作者，荷馬聽講是一个目暗的愛奧尼亞(Ionia)詩人。
學者對到底有荷馬這个人無，閣若準有， 敢是仝一个人，猶咧捙盤，這也就是講， 伊利亞德佮奧德賽敢是一个作者寫出來的，抑者是誠濟浮浪詩人經過長時間做伙創作的，今猶無確定的答案，總是咱會當真清楚看出這兩首敘事詩是對一个真久長的khó͘-thoân歌詩傳統生湠的，嘛對後來的希臘、羅馬佮歐洲文化產生不止仔大的影響。
大部份學者共頂懸這兩首敘事詩看做希臘語言上早的文學作品，毋過嘛有人認為赫西俄德(Hesiodos)(英語：Hesiod)的作品年代閣較早，20世紀的大部份時間，伊利亞德佮奧德賽的年代攏予人掠做是佇西元前8世紀，毋過這馬誠濟學者 (包括Martin West佮Richard Seaford在內)認為應該是佇西元前7世紀或者是6世紀iā-kú-káⁿ。
伊利亞德的內容佮特洛伊(Troia)(Τροία，嘛講做 Ilion Ίλιον) 戰爭上尾一冬(第10冬)的代誌有底帶，"伊利亞德"(Ilias)這个字是"關係著伊利昂"的意思，"伊利昂"(Ilion)是城市的名號，若"特洛伊"(Troia)是以伊利昂(Ilion)做中心的城市邦國，兩个詞定定相替換來使用。