Thó-lūn:Sim

心

心，是人有的、目睭看袂著的，咱人的理性抑感情、心情佮意向所佇咧的一个抽象的所在，人類掠外的動物佮植物是毋是有心，這和心的定義仝款，攏是真僫講的問題。

干焦掠心本身做定義是無法度有的，心是活物上蓋微妙的一項代誌亦拘敢，因為心無一定的狀態，定定咧變化，心的代誌著透過肉體等等外口的表現才會當掌握。

當人（或者是別項有心的活物）咧思考佮做決定的時，心就有活動，毋過就準甚物攏毋無做，心檢采oan-nā會活動，致使對這个心的主題來講，煞袂當真嚴格掌握逐時陣心的狀態。

總是，人若佮別人溝通的時，對方和家治的心中間，攏有想著抑是感覺著互相的來去，對這點來講，人是會當經驗著家治佮別人內底彼號心的存在的。

研究人心的活動的學科是心理學，心理學透過對人的反應做統計分析，了解人佮人的直接關係，來對心做研究，毋過就親像頭前講的，心真複雜，對方若有甚物變化，咱的心嘛會綴咧改變，嘛因為按呢共心當做學問來研究實在真困難。

現此時神經科學有較發展，科學家已經會當掰會，心的狀態佮腦的物理狀態窮實是相黏蒂帶的，比論咱有較知影心佮咱的腦裡逐部份的路用的關係矣，神經傳達物質(dopamine, endorphin等等)佮心情的關係嘛沓沓仔有新的研究發表，毋過心的狀態佮物質的腦中間，彼个究真本底的關係，猶原猶無法度齊拆明，和心有底代的哲學佮心理學中間的界線佇佗，嘛猶繼續咧討論。

往早的人掠講心是佇心臟內底，所以才會共這號抽象的"物"叫做"心"，咱這馬猶原會講"心內"、"好心"等等的語詞，攏是因為按呢流落來的講法。