Thó-lūn:Éng

湧

湧 / 風湧 / 海湧是海、湖、潭等等所在，水受著外力所引起的一種現象，風是其中蓋主要的因素，風的強度、吹的範圍佮吹偌久攏會有無仝的湧，相倚兩个湧蓋懸兩點的距離是偌長？這个湧的蓋下點佮伊蓋懸點的距離是偌懸？湧移徙速度的緊慢方向、湧是受甚物外力來起致的，等等是了解湧的相關的基本智識。

貓卑巴的海湧

水面是同時受著無仝方向、無仝力量的風咧吹，致使咱所看著的水面是各種形體的湧所綜合起來的結果；有貓卑巴的水面，自按呢咱會當由看無仝的水面來了解現象，來推測未來海裡的變化。

湧若愈長，速度愈緊，湧若愈懸，蓋懸點的湧若是接載袂牢，湧著會破去予人看著白沫，海湧佇外海趕一擺閣一擺的湧向海岸溢界來，上岸了後，湧破，消失無蹤，事實上伊會分出兩股拖力足強的水流，一股順海坪的斜度行海底佮一股離岸的水流來快速流出大海，這若深度安全是咱人家己學泅水免人教真好的助力佮環境，毋過，若對海坪地形無熟佮傷深，海邊耍水的人會發生危險，來失落，嘛是佇遮。