Thó-lūn:Lô-hàn-kha-á

羅漢跤仔

羅漢跤（仔）（羅漢腳（仔））本底是臺灣清朝時代無厝無某，嘛毋是讀冊人、農民、工人、生理人佮擔工 (taⁿ-khang) 的男性遊民，落尾閣有獨身中年查埔的意思。

簡介

---

臺灣一般的宮廟，巷路兩爿 (pêng) 的壁多數有畫十八羅漢圖。遊民定定倚靠佇彼號 (hit-lō) 壁的跤，遮風，覕 (bih) 雨，歇睏抑是嘻嘻嘩嘩。

另外的講法是，遊民散赤，時常穿破鞋，甚至褪 (thǹg) 赤跤，親像佛教的苦行頭陀（梵文：Dhata）佮羅漢，所以有羅漢跤這个耍 (sńg) 笑的稱呼。

清朝時代前期，移民到台灣的限制足嚴。1684年設立臺灣縣過後，發布渡臺禁令。移民臺灣進前 (chìn-chêng)，愛先予臺廈兵備道、臺灣海防同知審查佮批准。而且渡臺者袂當 (boē-tàng) 𤆬 （「毛」的下底加四點火「灬」，chhoā） 厝內人，廣東人嘛袂使到台灣，致到 (kàu) 臺灣人口中，客人較少。

因為禁令，紲落去 (soà--lo̍h-khì) 欲一世紀，移民無法度𤆬 (chhoā) 家眷，女性不止仔乏 (ha̍t)，無法得 (--tit) 娶某的「遊民」滿四界，遮 (chia) 的人著號做「羅漢跤仔」。

據《噶瑪蘭廳志》記載：

「台灣一種無宅無妻子，不士不農，不工不賣，不負載道路，俗指謂羅漢腳。嫖賭摸竊，械鬥樹旗，靡所不為。曷言乎羅漢腳也？謂其單身遊食四方，隨處結黨；且衫褲不全，赤腳終生也。」

翻譯：「臺灣有一款無厝閣無某無猴，嘛毋是讀冊人、無作農民、工人、生意人抑擔工的人，俗稱是『羅漢腳』。𪜶（人字爿「亻」的正爿加「因」，in）開查某，跋筊 (pua̍h-kiáu) ，作賊仔，械鬥，啥物攏作的出來。是按怎叫𪜶 (in) 羅漢腳？因為𪜶 (in) 單身浪蕩四海，四界嚾 (oang) 黨，而且衫仔褲破糊糊，規世人褪赤跤。」

後來𪜶 (in) 成做這馬 (chit-má) 所講的鱸鰻。

參考資料

---

• 陳淑均，《噶瑪蘭廳志》，臺灣文獻叢刊第160種

Chèng-sek thó-lūn

Chit phiⁿ bûn-chiuⁿ sī ùi Hoâ-gí Wikipedia hoan-e̍k--ê. 這篇文章是對華語維基百科翻譯的。出處 (chhut-chhù): 羅漢腳、歷史 (le̍k-sú)). ---Yoxem (talk) 2012-nî 9-goe̍h 3-jἰt (Pài 1) 18:52 (UTC)