Pang-chān:考試院

考試院是中華民國个最高考試機關，簡稱試院。伊名內底个「考試」，毋但指文官个考選爾爾，嘛包括關係著文官人事行政个相關事務。除了院本部以外，考試院下跤閣有四个中央二級機關，分別是考選部、銓敘部、保訓會佮基金監理會。考試院所掌管个「考試」事務佮教育方面个「考試」無仝，是予國家提拔優秀人才个測驗，親像中國古早時个科舉。所以，考試院舉辦个公職人員高普考佮教育部所舉辦个升學考試（像國中教育會考）無仝，考試院除了舉辦公職人員考選以外，嘛有辦理專門職業佮技術人員个考試（簡稱專技高考），予有專業或者特殊技術个人員（像醫生、律師、建築師、技師）等等个專業人員會使提著國家个資格認證。