Bô Lí Tio̍h Bô Chó͘-kok
Bô Lí Tio̍h Bô Chó͘-kok (Tiâu-sián-gí: 당신이 없으면 조국도 없다 Tangsini ŏpsŭmyŏn chogukto ŏpta), sī chi̍t siú chhut-miâ--ê o-ló Pak-tiâu-sián chêng-goân-siú (元首) Kim Chèng-ji̍t ê koa, tī 1993 nî, iû chok-sû Lí Chong-ngó͘ (李宗伍, 리종오) kah chok-khek N̂g Tìn-éng (黃鎮泳, 황진영) siá--ê.[1]
| Bô Lí Tio̍h Bô Chó͘-kok | |
| Ko-lê-jī | 당신이 없으면 조국도 없다 |
|---|---|
| Hàn-jī | 當身이 없으면 祖國도 없다 |
| Kok-gí ê Lô-má-jī Piáu-kì-hoat | Dangsini eopseumyeon jogukdo eopda |
| McCune–Reischauer Piáu-kì-hoat | Tangsini ŏpsŭmyŏn chogukto ŏpta |
Koa-sû khài-iàu (概要)
siu-káiKoa-sû ū saⁿ-toāⁿ. Thâu-toāⁿ loē-iông sī Kim Chèng-ji̍t kā tōa-hong-hō͘ koaⁿ--chhut-khì, hō͘ jîn-bîn sìn-liām (信念). Tē 2 toāⁿ kóng i sī bī-lâi kah ǹg-bāng ê oá-khò, bîn-cho̍k ê miā-ūn. Siōng-boé--ê sī jîn-bîn it-tēng ē siong-sìn i. Ta̍k toāⁿ lóng ēng "Nā bô lí tio̍h bô gún, bô lí tio̍h bô chó͘-kok (祖國)" lâi kiat-sok, beh soah sî koh chàn-bí (讚美): nā bô Kim Chèng-ji̍t tio̍h bô chó͘-kok.[2][3]
Kî-thaⁿ
siu-káiŪ pán-pún (pí-lūn Phó͘-thian-pó Tiān-chú Ga̍k-thuân (普天堡電子樂團) pán) kā koa-sû lāi-té ê "Kim Chèng-ji̍t Chiang-kun" kái-choè "Kim Chèng-ji̍t Tông-chì (同志)". Iáu-m̄-koh Hân-gú "tông-chì" (동지, tongji) ê im kah Phó͘-thong-oē ê "thau koe" (偷雞, touji) sio-siāng, ū bāng-bîn (網民) kuso-choè "Kim Chèng-ji̍t thau ke".[4]
Chù-kái
siu-kái- ↑ "당신이 없으면 조국도 없다". Tiâu-sián Im-ga̍k (朝鮮音樂). goân-loē-iông tī 2011-06-12 hőng khó͘-pih. 2012-11-20 khòaⁿ--ê.(Ji̍t-pún-gí) Archive.org ê copy
- ↑ "화면음악 당신이 없으면 조국도 없다 (Youtube)". Uriminzokkiri. line feed character in
|title=at position 20 (help) - ↑ 高风艳(Ko Hong-iām) pian (20100203). "朝鲜推金正日之歌：《没有你就没有祖国》". Seng-tó͘ Hoân-kiû-bāng (星島環球網).(Koaⁿ-oē)
- ↑ 이동훈 (Lee Donghun) (20100104). "김정일 닭을 훔치다? 중국 인터넷서 풍자노래 확산 조롱거리 전락한 북한". Tiâu-sián Chiu-khan (週刊).[íng-íng bô-hāu ê liân-kiat](Hân-kok-gí)
Chham-khó
siu-kái- Nā Bô Kiōng-sán-tóng Tio̍h Bô Sin Tiong-kok (Hoâ-gí: 沒有共產黨就沒有新中國)
Goā-pō͘ liân-kiat
siu-kái- Uriminzokkiri ê MV (tī Youtube)