Cha̍p-it-goe̍h Khí-gī

Cha̍p-it-goe̍h Khí-gī, mā hō chò Pho-Lō͘ Chiàn-cheng, he̍k-chiá Sū-koaⁿ-seng Kek-bēng (eng. Cadet Revolution), sī hun-koah āu ê Pho-lân tī 1830 nî kàu 1831 nî kan ê chi̍t kái tùi-khòng Lō͘-se-a Tè-kok ê po̍k-loān. Khí-gī tùi 1830 nî 11 goe̍h 29 ji̍t chū Warsaw khai-sí, tāi-seng sī Pho-lân kun-koaⁿ niá-chhōa ê kek-bēng, tè-bé Lietuva, Belarus, Ukraine lâng mā ka-ji̍p oa̍h-tāng. Sui-bóng tī chi̍t kóa só͘-chāi sêng-kong, in tè-bé hō͘ Lō͘-se-a Tè-kok ê Lio̍k-kun ap-chè.