拍開主題選單
Cha̍p-la̍k-tāi-kok ê tē-tô͘

Cha̍p-la̍k-tāi-kok (Hoân-gí: महाजनपद Mahajanapada, "tōa-kok") sī Ìn-tō͘ le̍k-sú siōng ê chi̍t ê sî-kî, tāi-iok tī se-goân chêng 600 nî kàu 300 nî, chìn-chêng sī Vedic sî-tāi. Cha̍p-la̍k-tāi-kok chú-iàu sī 16 ê tōa-kok pēng-li̍p cheng-pà, chia-ê tōa-kok chú-iàu hun-pò͘ tī Ìn-tō͘ tiong-pak-pō͘ ê Ìn-tō͘-hô Hêng-hô Pêⁿ-po͘. Magadha ê si̍t-le̍k siōng kiông, keng-kòe Haryanka, Shishunaga, Nanda kap Maurya 4 ê ông-tiâu ê hoat-tián kap khok-tiuⁿ, chòe-āu iû Maurya ông-tiâu tī kong-goân chêng 4 sè-kí bóe-kî thóng-it liáu Ìn-tō͘ tōa-pō͘, kiat-sok liáu Cha̍p-la̍k-tāi-kok sî-tāi.