Chheng-sim Hok-choân
tùi Tâi-oân Tâi-lâm khí--ê liân-só léng-joa̍h-ím choan-bē-tiàm
Chheng-sim Hok-choân Kó͘-hūn Iú-hān Kong-si (清心福全股份有限公司), kán-chheng Chheng-sim Hok-choân Léng-ím-chām (清心福全冷飲站) sī chi̍t keng khí-goân tī Tâi-oân Tâi-lâm ê liân-só ím-liāu choan-bē tiàm. Kong-si miâ-hō sī Chhoan-ek-thong Sū-gia̍p Iú-hān Kong-si (川億通事業有限公司). Thàu-kòe ka-bêng liân-só hong-sek keng-êng. Bo̍k-chiân choân Tâi-oân tû-liáu Phêⁿ-ô͘, Má-chó͘ kap Lân-sū tē-khu bô hun-tiàm, kî-thaⁿ só͘-chāi pau-hâm Kim-mn̂g lóng ū hun-tiàm.
