Chiuⁿ-phó͘-koān

Chiuⁿ-phó͘-kōan (漳浦縣) tiàm-tī Hok-kiàn-séng ê lâm-pō͘, sio̍k Chiang-chiu-chhī kóan-ha̍t, chôan-kōan thó͘-tē bīn-chek 1981 k㎡, jîn-kháu iok-lio̍k 80 bān. Chiuⁿ-phó͘ óan-á sī chú-iàu ê Tâi-ôan-lâng chó͘-chek-tē, chôan-kōan thong-hêng Bân-lâm-gí.

Hêng-chèng tan-ūi

Chām-chí 2002 nî, chôan-kōan lóng-chóng ū 20 ê hiuⁿ-tìn (kî-tiong 2 ê Sia-cho̍k-hiuⁿ), 11 ê lông-tiûⁿ (lông, lîm, iâm, tê), 285 ê hêng-chèng-chhun, 15 ê ku-úi-hōe.