Choân-bîn Kiān-khong Pó-hiám

Choân-bîn Kiān-khong Pó-hiám (全民健康保險) sī Tâi-oân ê chi̍t chióng kiông-chè-sèng ê kiān-khong pó-hiám, sī chi̍t chióng hok-lī chèng-chhek, mā sī chi̍t chióng piàn-siòng ê siā-hōe pó-hiám. Choân-bîn Kiān-khong Pó-hiám it-poaⁿ lóng ē kā i kán-tan hō-chò Choân-bîn Kiān-pó (全民健保) ia̍h-sī Kiān-pó (健保). Kiān-pó ê hoat-goân sī kin-kì Tiong-hôa Bîn-kok Hiàn-hoat Cheng-siu Tiâu-bûn só͘ si̍t-si ê choân-bîn i-liâu pó-hiám chè-tō͘.