Chu̍t-bí-oân
Chu̍t-bí-ôan (Eng-gí: Sticky Rice, hàn-jī: 糯米糰), 1994 nî sêng-li̍p, iû 4 ê kah-ì FUNK kap Disco ê cha-po·-kiáⁿ cho·-sêng ê ga̍k-thôan.
Cho͘-sêng thôan-oân
siu-káiBo̍k-chêng Chu̍t-bí-ôan sêng-oân ū 4 ê:
- Má Liām-Sian (馬念先): gí-tah-chhiú kiam chú-chhiùⁿ
- Î Kong-Iāu (余光耀): Bass
- Sím Kî-Hān (沈其翰): gí-tah-chhiú
- Lîm Chùn-Hông (林俊宏): kó·
Te̍k-sek
siu-kái1994 nî kàu 1997 nî
siu-kái- 1994 nî in-ūi ū sio-kâng ê hèng-chhù lâi cho·-sêng, tān-sī tī chi̍t-tiûⁿ pí-sài lāi-té, chú-pān tan-ūi iàu-kîu chham-sài-chiá it-tēng ài ū thôan-miâ, che sî-chūn 4 ê cha-po·-kiáⁿ siūⁿ-tio̍h kì-jiân kóng-tio̍h "thôan, thôan, thôan" kui-khì hō-miâ hō-chò "Chu̍t-bí-ôan" (Hôa-gí hō-chó 糯米糰, "thôan" kap 糰 kāng-im), tāi-piáu in 4 lâng ê im-ga̍k chhan-chhiūⁿ chu̍t-bí-ôan kāng-khoán sûi-chhiú-khó-tit.
- 1995 nî chham-ka chhiùⁿ-phìⁿ kong-si chú-pān TOP YOUNG koa-chhiùⁿ pí-sài tit-tio̍h sû-khek chhòng-chok kim-chióng.
- 1995 nî thui-chhut "kiōng-phó·-sin-siaⁿ" (共譜新聲) ha̍p-chip.
- 1997 nî 4 goe̍h thui-chhut thâu 1 tiuⁿ choan-chip "Chu̍t-bí-ôan" (糯米糰)，tī chit tiuⁿ choan-chip lāi-té，4 ê thôan-oân tî-liáu thian-seng ê im-ga̍k lêng-kám, tùi siā-hoē ê piàn-hòa kap seng-o̍ah ê thé-giām lóng hóan-èng tī in ê chhòng-chok.
- Chham-ú Tân Gio̍k-Hun (陳玉勳) tō-ián chip-tō ê tiān-iáⁿ "Ài-chêng-lâi-lah" (愛情來了) tiān-iáⁿ goân-siaⁿ-tòa (soundtrack) chhòng-chok, ji̍p-ûi Kim-bé-chióng Chòe-ka Tiān-iáⁿ Goân-siaⁿ-tòa Chòe-ka Koa-khek.
1997 nî kàu 2001 nî
siu-kái- 1999 nî té, thòe-ngó· liáu-āu ka-ji̍p Mô·-gâm chhiòⁿ-phìⁿ.
- 2000 nî 11 goe̍h, thui-chhut tē 2 tiuⁿ choan-chip, "Chheng-chhun-chiáu-ông"(青春鳥王).
- 2000 nî 12 goe̍h, kheh-chhòan 2001 nî TOYOTA TERCEL khì-chhia kóng-kò.
- 2001 nî 1 goe̍h, êng-he̍k Tiong-kok-sî-pò nî-tō· cha̍p-tōa chòe-ka choan-chip.
- 2001 nî 3 goe̍h, êng-he̍k Tiong-hôa Im-ga̍k-lâng Kau-liû Hia̍p-hōe 2000 nî gû-lo̍k cha̍p-tōa Hôa-gí im-ga̍k choan-chip.
- 2001 nî 5 goe̍h, Chu̍t-bí-ôan êng-he̍k tē 12 kài Kim-khiok-chióng Chòe-ka Im-ga̍k Lio̍k-iáⁿ-tòa chióng (Taekwondo / Chheng-chhun-chiáu-ông).
- 2001 nî 7 goe̍h, be̍h-á-chiú chhiúⁿ-siong chàn-chō· kí-pān choân séng 10 tiûⁿ PUB sûn-hôe-ián-chhut.
- 2001 nî 7 goe̍h 26, thui-chhut Chu̍t-bí-ôan "Super EP".
- 2001 nî 8 goe̍h，thâu 1 pái chhòng-chok Kńg-tang-oē koa - 黑仔香江中招記, chiâⁿ-chò Siàu-lîm-kha-kiû Tâi-ôan khu ī-kò-phìⁿ chú-tê koa.
- 2001 nî 8 goe̍h, chham-ú Tiuⁿ Chìn-Ga̍k (張震嶽) Hiong-káng hái-thoaⁿ BB PARTY tam-jīm ián-chhut ka-pin.
- 2001 nî té, kó·-chhiú Âng Chhāi-Li̍p (洪峙立) lī-thôan.
Chok-phín
siu-káiGoā-pō· liân-kiat
siu-kái- DISGUSTING CHANNEL
- Liām-Sian-sī Hōng-hông-tn̂g (Ji̍t-gí, Eng-gí)
- PTT Sticky Rice Pán