Hì-chhut
(Tùi Drama choán--lâi)
Hì-chhut (戲齣) sī ián-oân kā bó͘ chi̍t ê kò͘-sū ia̍h kio̍k-chêng, iōng ìn-tap, chhiùⁿ-koa kap tōng-chok ê hong-sek só͘ piáu-ián chhut-lâi ê gē-su̍t. Hì-chhut ū 4 ê toā goân-sò͘, pau-hâm ián-oân, kio̍k-chêng, bú-tâi kap koan-chiòng. Kî-tiong, ián-oân sī siōng-kài tiōng-iàu ê goân-sò͘, i sī kak-sek ê tāi-giân-jîn, ài khū-pī pān-ián ê lêng-le̍k, che mā sī hì-chhut hām kî-thaⁿ gē-su̍t siōng-toā ê bô-kāng. Thàu-kòe ián-oân ê pān-ián, kio̍k-pún lāi ê kak-sek chiah ū thang hó sin-tiong.
