Elizabeth Stern

Elizabeth Stern (1915 nî 9 goe̍h 15 ji̍t – 1980 nî 8 goe̍h 18 ji̍t) sī Ka-ná-tah chhut-sì ê Bí-kok pēⁿ-lí-ha̍k-chiá. I choân-bûn tī sè-pau tùi chèng-siông kàu gâm-hòa ê chìn-hêng kòe-têng kai-tōaⁿ.

Chhut-sin

Stern 1915 nî 9 goe̍h 15 ùi Ontario ê Cobalt chhut-sì, siàu-liân sî tī Toronto Tāi-hak tit tio̍h i-ha̍k ha̍k-ūi--ê. Chut-gia̍p liáu-āu i keh tang chiō kòe Bí-kok, 1943 nî ê sî kui-hòa Bí-kok kong-bîn. Stern sòa--lo̍h-lâi ùi Pennsylvania I-ha̍k Ha̍k-hāu, koh ū Los Angeles ê Good Samaritan and Cedars of Lebanon Pēⁿ-īⁿ siū hùn-liān.

I-ha̍k sū-gia̍p

Stern sī i siāng thâu phoe ê sè-pau pēⁿ-lí-ha̍k-chiá chi it. Tùi 1963 nî khai-sí, i tī Los Angeles ê California Tāi-ha̍k (UCLA) lāi-ê Kong-kiōng Kiān-khong Ha̍k-hāu (School of Public Health) chò e̍k-ha̍k kàu-siū.

I tī choan-bûn hun-iá ê gián-kiù, í-keng hoat-kìⁿ liáu tī chú-kiong-kún-gâm hêng-sêng í-chêng ê 250 khoán bô-kâng ê sè-pau chìn-hêng kai-tōaⁿ.

Chham-chiàu

• Kathleen Kuiper, pian. (2010). "Elizabeth Stern". Britannica Guide to the World's Most Influential People: 100 Most Influential Women of All Time (ēng Eng-gí). Encyclopaedia Britannica, Inc. ISBN 978-1-61530-058-7.