Entropy

Entropy ("Óa-im: "én-chho-pih"" "en-tú-lo-pih") ē-tàng kái-soeh chò sī tùi chi̍t-ê jia̍t-le̍k-ha̍k hē-thóng ê lêng-liōng tang-tiong bô hoat-tō͘ chò-kang ê thêng-tō͘ ê kè-sǹg. Tī chi̍t-ê koaiⁿ-bā ê hē-thóng, nā entropy chin-ka, ū-thang chok-iōng ê lêng-liōng tiō kiám-chió. Entropy ia̍h ē-tàng kái-soeh chò tùi bû-tì-sū (hūn-loān) ê kè-sǹg; entropy lú koân, piáu-sī bû-tì-sū ê thêng-tō͘ lú-koân.^[1]

Nā sī hē-thóng keng-le̍k chi̍t hāng ē-tàng tò-hoán ê piàn-hòa, entropy (S) ê kái-piàn liōng, sī sio-kâng sàng hō͘ hit-ê hē-thóng ê jia̍t ê lêng-liōng (Q) hun-koah jia̍t-le̍k-ha̍k un-tō͘ (T), thang kì chò ∆S = ∆Q/T. Chóng-sī, só͘-ū hiān-si̍t ê kòe-têng, sī ū it-tēng thên-tō͘ bô-hoat-tō͘ tò-hoán ê piàn-hòa, tī chia bô-hoat-tō͘ tò-hoán ê kái-piàn tang-tiong, entropy tiō ē chin-ka.^[1]

Siōng-sè lâi kóng, entropy sī chi̍t-ê hē-thóng ê hiòng-gōa sèng-chit (extensive property). Che kap hō chò bî-chōng-thài (microstate) ê bî-koan phòe-tì (microscopic configuration) sò͘-jī $Ω$ ū óa-kīn ê koan-liân, he sò͘-jī koh kap hē-thóng ê kū-koan sèng-chit (macroscopic quantities, pí-lūn thé-chek, ūn-tō͘) it-tì.

Chham-chiàu

↑ ^1.0 ^1.1 John Daintith, pian. (2008). "entropy". Oxford Dictionary of Chemistry (6 pán.). Oxford University Press. ISBN 9780199204632.

Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia.

[OxfordDictChem6-1] 1.0 ^1.1 John Daintith, pian. (2008). "entropy". Oxford Dictionary of Chemistry (6 pán.). Oxford University Press. ISBN 9780199204632.

[1]