Estophilia (goân-chū Hi-lia̍p-gí: φίλος, filos - "chhin, ài") ì-sù sī kóng m̄-sī Estonia chhut-sin ê lâng tùi Estonia-gí, Estonia bûn-ha̍k, ia̍h Estonia bûn-hòa, koh kiam Estonia ê le̍k-sú kap Estonia pún-sin ū tông-chêng ia̍h hèng-chhù ê ūn-tōng kap lí-sióng.

Pún iōng-gí te̍k-pia̍t sī kóng 18 sè-kí bóe chì 19 sè-kí chhe ê Chhin Estonia Ūn-tōng, hit chūn Baltic Tek-kok-hē ha̍k-chiá khai-sí thui-sak kiam kì-lio̍k Estonia bûn-hòa kap giân-gí. Chit-ê ūn-tōng tùi beh 100 tang āu ê Estonia Kak-chhéⁿ Sî-tāi chiàm tiōng-iàu ê éng-hióng-le̍k; he Estonia kak-chhéⁿ ūn-tōng, koh ín-chhōa chhut 1918 nî ê Estonia To̍k-li̍p Soan-giân, Estonia To̍k-li̍p Chiàn-cheng, kap Estonia Kiōng-hô-kok ê khai-ki.