Estonia To̍k-li̍p Chiàn-cheng

Estonia To̍k-li̍p Chiàn-cheng (Estonia-gí: Vabadussõda; chiàu-jī ì-sù sī "Chū-iû Chiàn-cheng") sī Estonia Kun-tūi kap i-ê liân-bêng Pe̍h Lō͘-se-a Sai-pak-kun, Latvia, kiam Liân-ha̍p Ông-kok tùi-khòng So͘-liân Sai Chiân-tīn chhim-ji̍p kap Baltic Léng-thó͘-kun (Baltische Landeswehr) sè-le̍k ê chiàn-cheng. Pún chiàn-sū mā khan-liân tio̍h kâng sî-chūn ê Lō͘-se-a Lōe-chiàn, sī Tē-it-chhù Sè-kài Tāi-chiàn liáu-āu, 1918 kàu 1920 nî kan Estonia piàⁿ chú-khoân ê chiàn-e̍k. Kàu-bóe Estonia tit tio̍h sèng-lī lâi kiàn-li̍p khí sin kok-ka, keng-kòe Tartu Tiâu-iok chò liáu-kiat.