Hông-hái Cheng-bi̍t

Hông-hái Cheng-bi̍t Kang-gia̍p (鴻海精密工業), kán-chheng Hông-hái, sī Tâi-oân ê chi̍t keng tiān-chú chè-chō kong-si, mā sī Hông-hái Chi̍p-thoân ê he̍k-sim khì-gia̍p, iû Koeh Tâi-bêng tī 1974 nî chhòng-li̍p. I chi̍t khai-sí sī chò o͘-pe̍h tiān-sī lêng-kiāⁿ, mā ū chò bô͘-kū chè-chō. Ji̍t-āu khòa-ji̍p tiān-chú ki-hāi tāi-kang léng-he̍k, ùi chè-chō liân-chiap-khì, tiān-sòaⁿ tiān-lám, tiān-náu ki-khak, tiān-goân kiong-èng-khì téng lêng-kiāⁿ, kàu tiān-náu cho͘-chng chún-hē-thóng, kap hêng-tōng tiān-ōe téng. Chit-má i-ê sū-gia̍p pán-tô͘ í-keng sia̍p-ki̍p só͘-ū ê chu-sìn kho-ki sán-phín cho͘-chng tāi-kang.

2001 nî, Hông-hái Cheng-bi̍t ê êng-gia̍p-gia̍h chhiau-kòe cheng-îⁿ tāi-kang liông-thâu Tâi-chek-tiān, chiâⁿ-chò Tâi-oân tē-it tōa bîn-êng khì-gia̍p; 2005 nî, koh chhiau-kòe kok-êng kong-si Tiong-iû, chiâⁿ-chò Tâi-oân siāng tōa ê khì-gia̍p.