Hông-ku
Hông-ku (皇居 / こうきょ Kōkyo) sī Ji̍t-pún Thian-hông teh tòa ê kiong-tiān. Thoân-thóng siōng, Ji̍t-pún bô tēng-to͘ ê kài-liām, it-poaⁿ lóng koàn-sì kā Thian-hông tòa ê só͘-chāi hō-chò Kok-to͘ (國都), ah Thian-hông só͘ tòa ê kiong-tiān tiō hō-chò Hông-ku. Bo̍k-chiân ê Hông-ku ūi-tī Tang-kiaⁿ-to͘ ê Chhian-tāi-tiân-khu, i-ê chiân-sin iā chiū sī Kang-hō͘ Bō͘-hú le̍k-tāi chiong-kun só͘ tòa ê Kang-hō͘-siâⁿ.
