Hiong-káng Siōng-hái Hōe-hong Gîn-hâng

Hiong-káng Siōng-hái Hōe-hong Gîn-hâng Iú-hān Kong-si (Hàn-jī: 香港上海滙豐銀行有限公司; Eng-gí: The Hongkong and Shanghai Banking Corporation Limited; kán-chheng HSBC, Hōe-hong, Hong Kong Bank) sī Hōe-hong Khòng-kó͘ Iú-hān Kong-si ê choân-chu hū-sio̍k kong-si, sio̍k-î Hōe-hong Chi̍p-thoân ê chhòng-li̍p sêng-oân kap tī A-Thài tē-khu ê kî-lām gîn-hâng, mā sī Hiong-káng siāng-tōa ê chù-chheh gîn-hâng, í-ki̍p Káng-pè ê 3 keng hoat-chhau gîn-hâng chi-it (lēng-gōa nn̄g keng sī Che-táⁿ Gîn-hâng kap Tiong-kok Gîn-hâng). I-ê chóng-pō͘ tī Tiong-khoân Hông-hiō Tāi-tō Tiong 1 hō ê Hōe-hong Chóng-hâng Tāi-hā, hiān-chhú-sî Hiong-káng Siōng-hái Hōe-hong Gîn-hâng kap kok hū-sio̍kkong-si chú-iàu tī A-Thài tē-khu siat-li̍p iok 700 keng hun-hâng kap pān-sū-chhù.