Jia̍t-le̍k-ha̍k chōng-thài

Tī jia̍t-le̍k-ha̍k lāi, chi̍t ê hē-thóng ê jia̍t-le̍k-ha̍k chōng-thài (熱力學狀態; thermodynamic state) sī i chū-sin tī te̍k-tēng sî-kan ê chōng-thài. Jia̍t-le̍k-ha̍k chōng-thài ē-ēng iōng kúi-nā-ê chōng-thài hâm-sò͘ lâi biâu-su̍t. Chí-iàu koat-tēng kúi-ê chōng-thài hâm-sò͘, kî-thaⁿ chhun-ê chōng-thài hâm-sò͘ mā tâng-chê pī koat-tēng. It-poaⁿ lâi kóng, jia̍t-le̍k-ha̍k chōng-thài lóng sī kóng tī jia̍t-le̍k-ha̍k pêng-hêng ê chêng-hêng hā.