Ken Saro-Wiwa

Kenule "Ken" Beeson Saro-Wiwa (1941 nî 10 goe̍h 10 ji̍t – 1995 nî 11 goe̍h 10 ji̍t) sī Nigeria ê chok-ka, tiān-sī chè-chok-jîn, khoân-pó-jîn-sū. I sī Jim Wiwa Toā-thâu-ba̍k (Chief) ê hāu-siⁿ. Saro-Wiwa sī Ogoni-lâng, toà tī Niger Saⁿ-kak-chiu (Niger Delta) ê chió-sò͘ bîn-cho̍k, 1950 nî-tāi khai-sí lâng tō siūⁿ beh tī hia ó͘ chio̍h-iû. Saro-Wiwa chhím-thâu sī Ogoni Bîn-cho̍k Seng-chûn Ūn-tōng (Movement for the Survival of the Ogoni People, kán-chheng MOSOP) ê hoat-giân-jîn, boé--á chò chú-se̍k (president); in ēng hui-po̍k-le̍k ê hong-sek lâi khòng-gī chio̍h-iû kong-si phò-hoāi khoân-kéng, te̍k-pia̍t sī Royal Dutch Shell.

1995 nî, bô keng-koè kong-pêng sím-phoàⁿ, Saro-Wiwa tō hō͘ Nigeria Kun-tūi chhú-koat.